Қ. Сәтбаевқа арналған "Ғасыр данасы" апталығы жоспары бойынша 10 сынып оқушыларымен "Әлем тізгіні білімділер қолында" атты Tarsia әдісімен танымдық ойыны өткізілді. Қағаз қиындыларындағы академиктің өмірбаяны, еңбектері туралы сұрақтар мен жауаптарды үйлестіре отырып фигура құрастыру қажет. Оқушылар Академиктің еңбегі мен өмірбаянынан қызықты ақпараттар тауып, білімдерін толықтырды.

12-15 желтоқсан "Ғасыр данасы" атты Қ.Сәтбаев апталығы бастау алды. Бастауыш сынып оқушыларына гимназиямыздағы Сәтбаев бұрышы таныстырылып, танымдық шаралар өтті.

Терроризм туралы жалған ақпарат тарату, сол әрекеті үшін жауапкершілікке тартылу туралы Ақсу қаласы полиция бөлімінің жедел уәкілі Э.Б.Сарсенбаева оқушылармен дәріс барысында түсіндіріп өтті. Терроризм актісі туралы көрінеу жалған хабарлау үшін жаза ҚР Қылмыстық кодексінің 273-бабында көзделген. Қылмыс үшін 5000 айлық есептік көрсеткішке дейін немесе 15,9 миллион теңгеге дейін айыппұл салу немесе сол мөлшерде түзеу жұмыстарын жүргізу, сондай-ақ 5 жылға дейін бас бостандығынан айыру қаупі бар.

16 желтоқсан Тәуелсіздік күніне орай гимназия кітапханасында "Желтоқсан батырлары" атты танымдық шара өтіп, деректі фильмдер көрсетілді.

2022 жылғы 12 желтоқсанда 7-11 сынып оқушылар арасындағы республикалық «М. Мақатаев оқуларының» облыстық кезеңі өткізілді. Конкурстың қорытындысы бойынша «Көкірегімде жыр сәулесі маздайды…» бағытында Махсатхан Қымбат 2 орынға ие болды. Жетекшісі қазақ тілі және әдебиет пәнінің мұғалімі Есенгожина Акмарал Еркеновна.

Торайғыров университеті ұйымдастырған олимпиадада 11-сынып оқушысы, Алтын белгіге үміткер Баисова Әдемау биология пәнінен 1-орынды иеленіп, Ректор грантын жеңіп алды. Мұғалімі Оразова Гүлден Нурмахамбетовна мен Әдемауды шын жүректен құттықтаймыз! Сейтбаттал Данель орыс тілі пәнінен 2-орынды иеленіп, 50% жеңілдік беретін сертификатқа ие болды. Кульжайнат Бекежановна мен Данельді құттықтаймыз! Толағай табыстар тілейміз.

2022 жылғы 30 қарашада 8-11 сынып оқушылары арасында облыстық зерттеу жобалар конкурсы өткізілді. Конкурстың қорытындысы бойынша 14 оқушы жүлдегер атанды. Олар: Жалешева Айым, Нургалиева Медина, Амангелді Нұрәділ, Айткенов Адиль, Ақылжан Ерәлі, Лашимова Аяулым, Бериков Даниял, Советова Меруерт, Сайыпова Асем, Амангельды Ералхан, Кайыргалым Жансұлу, Мубаракова Данэля, Хасенов Аспандияр және Алимова Томирис.

Республикалық акция аясында ата-аналармен “Тұрмыстық және отбасылық зорлық-зомбылықтың алдын алу маңыздылығы” атты семинар-тренингі ұйымдастырылды. Кездесу барысында балаларға қатысты отбасылық зорлық-зомбылықтың себебі мен салдары, мәселені шешу жолдары сөз болды. Тәрбие жөніндегі директор орынбасары Г.Бакирбекова отбасындағы өзекті мәселелерге тоқсалса, Аксу полиция лейтенанты Р.Нурмакина осы мәселенің өңірдегі жағдайына құқықтық-нормативтік тұсын түсіндіріп өтті.

"Оқуға құштар мектеп" республикалық жобасы аясында гимназиямызда "Кітап жетістікке жетелейді" кіші жобасы жүзеге асырылуда. Кезекті қонағымыз жас ақын Мұхаммедқали Зарықұлы. Кездесу барысында өзінің өлеңдерімен, олардың шығу тарихымен бөлісіп, оқушыларға кітап оқу, ұлттық құндылықтарды дәріптеу, атамекенді сүю жайлы ой салардай ақыл-кеңесін берді.

Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы жалпы білім беру ұйымдарының 7-8 сынып оқушылары арасында биология пәнінен XІІ облыстық жасөспірімдер олимпиадасын өткізді. Олимпиада қорытындысы бойынша 8а-сынып оқушысы Атакан Дінмұхамед Құрмет грамотасымен марапатталды. Жетекшісі Гүлден Нурмахамбетовна мен Дінмұхамедті құттықтаймыз. Шығар шыңдарыңыз көп болсын!

2022 жылғы 25 қараша күні Павлодар облысының білім беру басқармасы, «Зерделі» ақыл-ой дамыту мектебі» ЖШС және «Дарын» республикалық ғылыми-практикалық орталығы бастауыш сынып мұғалімдерінің «Алтын тұғыр» республикалық олимпиадасының өңірлік кезеңін Торайғыров университеті базасында өткізді. Бастауыш сынып мұғалімдеріне арналған олимпиадада мектебіміздің бастауыш сынып мұғалімі Елубаева Мариям Сейсенқызы 3-орынға ие болды.

Павлодар облысы білім беру басқармасының «Ертіс дарыны» өңірлік қосымша білім беру оқу-әдістемелік орталығы 2022 жылғы 25 қарашада жалпы білім беру ұйымдарының 7-8 сынып оқушылары арасында география пәнінен XІІ облыстық жасөспірімдер олимпиадасын өткізді. Олимпиада қорытындысы бойынша 8ә-сынып оқушысы Асылхан Альтаир 3-орынға ие болды. Жетекшісі Алтын Сериковна мен Альтаирды құттықтаймыз.