3 ақпан күні мамандандырылған мектептердің жаратылыстану-математика бағытындағы пәндерді ағылшын тілінде оқытатын мұғалімдеріне арнап “Тілдік орта құру арқылы мектеп оқушыларының көптілділігін қалыптастыру” тақырыбында облыстық семинар өткізілді. Семинар барысында гимназияның физика пәні мұғалімдері А.С.Қабылбекова, Б.В.Атик Б.В., информатика мұғалімі Э.Т.Абылгазина және химия пәні мұғалімі Г.Е. Сыздыкова ашық сабақтар көрсетті.

“Самғау” командасы "Халық радиосы" радиоканалының "Айқын” бағдарламасына сұхбат беріп келді. Астана қаласында 2 рет өткен First чемпионатының бірінде 1 орын, екіншісінде номинацияға ие болған дағды-іскерлік, шығармашылық қабілеттері туралы айтып, ой бөлісті. Бұл хабарда команда мүшелері First халықаралық сайысының шарттары мен бөлімдері, құндылықтар мен инновациялық жоба және робот ойыны туралы айтты.

Гимназиямызда «STEM-ғылыми-техникалық білім негізі» атты жоба жүзеге асырылуда. 25 қаңтар күні Б.В.Атик облыс ұстаздарына « STEM оқытушысы ретінде табысқа жету үшін не қажет?» тақырыбында онлайн форматта шеберлік сынып өткізді. Бұл іс- шарада ұстаздар STEM мұғалімі оқушыларда қандай дағдыларды дамыту, STEM оқыту әдістері, 5Е оқыту циклін оқытуға қолданатын зерттеуге негізделген модулдің құрылымы жөнінде жұмыстарына қажетті құнды мәліметтер алып, ары қарай да бірлесіп жұмыс істеуді жоспарлады.

Шығармашылығымен шыңдалған шығармашыл оқушымыз Махсатхан Қымбат кезекті жеңісімен қуантты. Облыстық Абай оқуларында "Жүйріктен жүйрік озар жарысқанда" номинациясында жүлдегер атанды. Осыған дейін, Қымбат - Ақберен, Мұқағали мен Мағжан оқуларында да жүлдегер атанған. Қымбат, жеңісін құтты болсын! Биік белестерді бағындыра бер!

Гимназиямыздың “Самғау” командасы Ертіс телеканалының “Жаңа күн” бағдарламасына сұхбат беріп келді. Астана қаласында 2 рет өткен First чемпионатының бірінде 1 орын, екіншісінде номинацияға ие болған “Самғау” командасы сайыста қандай дағды-іскерлік, шығармашылық қабілеттері сыналғанын айтып ой бөлісті. Роботтар ойынын көрсетіп, сұхбат соңында Жанатқызы Медина күйден шашу шашып, Ертіс каналының көрермендерін қуантты.

Облыстық олимпиадада гимназия оқушылары тамаша нәтиже көрсетті. Білімдодасына дайындаған пән мұғалімдері Акмарал Еркеновнаны, Салтанат Еркиновнаны, Мұтан Мұратбекті және жеңімпаз оқушыларды құттықтаймыз. Республикалық кезеңде сәттілік тілейміз.

Жас мамандардың ұстаздық қаситеттерінің қалыптасуына бағыт беру мақсатында 23 қаңтар күні гимназияда Май ауданы мен гимназияның жас мамандарына арналған «Жарқын болашақ иесі - бүгінгі жас маман» - атты семинар-тренинг өткізілді. Семинар соңында бүгінгі бағдарлама негізінде жас мамандар өз ойларымен бөлісіп, көптеген сұрақтарына мағыналы жауап алғандарын айтты.

«Дарын» республикалық ғылыми-практикалық орталығы, «USTEM Robotics» қоғамдық қоры, сондай-ақ «Caravan of Knowledge» коммерциялық қоры 2023 жылғы 20-21 қаңтар аралығында Астана қаласында «NURORDA» мектебінің базасында «First Kazakhstan-2023» робототехника бойынша өңірлік чемпионатын өткізді. Гимназияның «Самғау» командасы «Against all odds award» номинациясына ие болды.

20 қаңтар 7-8-сынып оқушыларына арналған жасөспірімдер олимпиадасының қалалық кезеңі өткізілді. Олимпиадаға 37 оқушы қатысты.

Гимназияда «АКТ-ны пайдалану арқылы оқушылардың пәнге деген қызығушылықтарын арттыру жолдары» тақырыбында коучинг өтті. Коучинг барысында Сыздыкова М.К. Wordwall.net сервисінің көмегімен интерактивті тапсырмаларды әзірлеу, Тулеубаева К.Б. Google Disk-тің көмегімен бірлескен жұмысты ұйымдастыру тәсілдерімен, Абылгазина Э.Т. TurboSite қосымшасының көмегімен электрондық оқулықты әзірлеу тәжірибесімен бөлісті.

Кезекті педагогикалық кеңес “Жаһандық құзіреттіліктер-жеке тұлғаны қалыптастырудағы қажеттілік” тақырыбына арналды. Жаһандық құзіреттіліктер қазіргі кезде кез-келген даму процесінің қозғаушы күші деуге болады. Г.А.Бакирбекова әсіресе болашақ ұрпақ бойында қажетті құзіреттіліктерді қалыптастырудың маңыздылығына терең тоқталып,күнделікті өмірде түрлі әдістер мен дағдылар арқылы қалыптастыру жолдары туралы ой қозғап, талқылады.

имназиямызда Түлектермен кездесу кеші дәстүрлі түрле өткізіледі. 13 қаңтар күні 2021, 2022 оқу жылының түлектері білім ордаларына келіп, мұғалімдерімен, оқушылармен кездесіп, студенттік шақтың қызығымен, ЖОО оқу ерекшелігімен бөлісті. Сондай-ақ өздері оқып жатқан білім ордаларының мамандықтар әлемімен, қажетті дағды мен құзіреттіліктер туралы оқугыларға ақыл-кеңестерін берді. Кездесу түрлі форматта өтті. “Түнгі студияда”, “1000000 кімге бұйырады” танымдық шаралары кештің шырайын ашты.