2021 жылдың 24 сәуірінде Ақсу қаласындағы №1 мектепте оқушылар арасында дебаттық турнир болып өтті. Турнирға Ақсу қаласы және аудандары бойынша 12 фракция қатысты. Гимназия оқушыларынан құрылған "Қайсар" (1-спикер Сайыпова Асем, 2-спикер Қазтай Айшат) және "Интеллект" (1-спикер Садыбекова Арайлым, 2-спикер Қожабергенов Думан) фракциялары да қатысып, жүлделі 2 ,3-орындарды жеңіп алды. Оқушылар бағалы сыйлықтармен марапатталды.

Гуманитарлық пәндер апталығы аясында 7 сыныптар арасында Желтоқсан оқиғасының 35 және Тәуелсіздігіміздің 30 жылдығына орай "30 жыл алға ұмтылыс " атты дөңгелек үстел өтті. Іс-шара барысында 30 жылда еліміз қол жеткізген жетістіктер талқыланып, соңында оқушылар викториналық сұрақтарға жауап берді

2021 жылдың 22 сәуір күні 11-сынып оқушыларының ата-аналарына "ҰБТ-ге дайындық кезінде ата-аналар ескеретін жағдайлар" деген тақырыпта ата-аналар жиналысы болып өтті. Жиналыс барысында 11-сынып ата-аналарына жасөспірімнің тестілеу кезінде ата-аналардың мінез-құлықтарына арналған негізгі психологиялық кеңестер берілді.

Гимназиямыздың "Айгөлек" үлгілі би ансамблі "Ақшағала" республикалық хореографиялық фестиваль-байқауына қатысып, 1 және 3 орынды иеленді. Жетекшісі Динара Нигматуловнаны және оқушыларды жеңістерімен құттыктаймыз!

Ұлы ақын Жамбыл Жабаевтың 175-жылдығына арналған мерейтойын мерекелеу мақсатында «Ертіс дарыны» өңірлік қосымша білім беру оқу-әдістемелік орталығының бастамасымен 2021 жылғы 22 сәуірде облыстық Жамбыл оқулары онлайн режимде өткізілді. Сайыс қорытындысы бойынша «Жамбылдың жыр мұрасы» бағытында 8-сынып оқушысы Каиржанова Аида 3 орынға ие болды. Құттықтаймыз!

О.Сүлейменовтің 85 жылдық мерейтойына орай 8,10-сынып оқушыларымен «О.Сүлейменов поэзиясындағы тарих және тағылым» тақырыбында конференция өткізілді. Аталған шарада ақынның өмірі мен шығармашылығы, зерттеулері, «Семей-Невада» қозғалысы жайлы мәлімет айтылып талқыланды. О.Сүлейменовтің жылдар бойы ақындығымен қоса қоғамға сіңірген еңбегіне ерекше тоқтала отырып, кеңінен насихатталды.

Гуманитарлық пәндер апталығы аясында 6а және 6ә сыныптары арасында әдеби-танымдық сайыс өткізілді. Сайыс мерейгер атанып отырған Қажымұқан Мұңайтпасұлы, Қалмақан Әбдіқадіров, Сайын Муратбековтер өмірі мен шығармашылығына арналды. "Жусан иісі " және "Қажымұқан " әңгімелері бойынша кезеңнен кезеңге өткен сайыскер оқушылар жоғары деңгейде білімдерін көрсете алған мазмұнды шара болды. Сайыс қорытындысында оза шапқан 6ә сыныбы 1-орынға иеленіп, 6а сыныбы 2-орынға ие болды.

Қазақстан Республикасы тәуелсіздігінің 30-жылдығына арналған "ТӘУЕЛСІЗДІК - ЕЛ ТҰҒЫРЫ" облыстық бейнероликтер онлайн байқауында гимназиямыздың 8-сынып оқушылары Қуандық Аружан "ҒАСЫРЛАР АРҚЫЛЫ ТӘУЕЛСІЗДІККЕ" номинациясында 2-орынға және "ҚАЗАҚСТАН - ДОСТЫҚ БЕСІГІ" номинациясында Шайфуллина Анель 3-орынға иеленді. Жетекшісі Кушова Ақмөлдір Сағынбайқызы.

Сәуір айының 17-18 күндері Павлодар қаласында Қажымұқан Мұңайтпасовтың 150 жылдығына орай туристік тау техникасы бойынша ашық чемпионат өтті. Гимназиямыздың "Экстрим" командасының мүшелері 10-сынып оқушылары Жомартұлы Айдын, Айгожина Адина, Заруза Нурай класс "Б" тобында 15-17 жас аралығында жүлделі ІІ орынға ие болды. Команда жаттықтырушысы Мухитова Айсулу Бокенбаевна.

Гуманитарлық пәндер апталығы аясында "Әдеби ребус" белгілі ақын-жазушылардың өмірбаяны, шығармалары туралы сайыс өткізілді. Әңгіменің стиліне және мазмұнына сәйкес ойыншылар қай жазушының шығармалары екенін, авторын анықтап, ребус құрастырды. Сайысқа 6 сынып оқушылары қызығушылықпен қатысты.

9 сәуір күні Май ауданымен бірлескен 7-8-сынып оқушылары арасында «Кіші Сәтбаев олимпиадасы» өткізілді. Олимпиадаға жаратылыстану және математикалық бағыттары бойынша 114 оқушы қатысты. Олимпиада гимназия оқушылары үшін оффлайн, Май ауданының қатысушылары үшін онлайн түрде ұйымдастырылды.

8 сәуір күні "Экологиялық тәрбие - ел болашаның кепілі" атты TEDx конференциясы ұйымдастырылды. Конференция спикерлері біз өмір сүретін ортадағы экологияның өзекті мәселелеріне, әсіресе қоқыстарды бөлек жинау, экодағдыларды қалыптастыру бойынша тың пікірлерімен бөлісті.