2020 жылғы 14 қазан күні «Менің кіші Отаным» жас тарихшылар ІІI республикалық интеллектуалдық конкурсының облыстық кезеңі онлайн режимде өткізілді. Конкурстың қорытындысы бойынша 9ә-сынып оқушысы Ералиева Рауан І орын, 10-сынып оқушылары Кожабергенов Думан ІІ орын және Жәнібек Жансая ІІІ орынға ие болды. Жеңімпаз, жүлдегер оқушылар мен пән мұғалімі Мүтан Мұратбекті шын жүректен құттықтаймыз! Республикалық кезеңде сәттілік тілейміз!

10 қазан Дүниежүзілік психикалық денсаулық күні қарсаңында мектеп психологы Шаймарданова Н.Т. ұйымдастыруымен гимназиямызда 9-сынып оқушыларымен "Психикалық денсаулығым туралы сөйлесейік" деген тақырыпта онлайн конференция және 8-сынып оқушыларының ата-аналарымен "Жасөспірім балалардың психикалық денсаулығы" тақырыбында онлайн семинар өткізілді.

Ұстаздар мерекесі қарсаңында гимназиямыздың тарих және география пәнінің мұғалімі Альдекенова Анар Толыбаевна Республикалық «ҮЗДІК ПЕДАГОГ - 2020» байқауының жеңімпазы атанды. Құттықтаймыз! Ұжымымыздан үшінші педагог осындай биік атаққа қол жеткізді.

Білім беру басқармасының Аймақтық оқу-тәжірибелік дене тәрбиесі орталығы мұғалімдер күніне орай Мухитова Айсулу Бокенбаевнаны дене тәрбиесі мен спорттың дамуына, оқушы жастар арасында салауатты өмір салтын насихаттауда зор үлес қосқаны үшін Құрмет грамотасымен марапатталды.

Тілдер мерекесіне орай, оқушылардың би-шешендердің нақыл сөздерінен тәлім алу мақсатында "Тоқсан ауыз сөздің тобықтай түйіні" атты би-шешендердің нақыл сөздерін 10 сынып оқушысы Жәнібек Жансая жатқа оқыды.

Тілдер айлығы аясында 7-сыныптар арасында "Үш тұғырлы тіл - болашақтың бастауы" атты мақал-мәтелдер онлайн-сайысы ұйымдастырылды. Ойын нәтижесі бойынша: 1-орынды Қайырғалым Жансұлу мен Даутбеков Ерхан, 2-орынды Жалешева Айым мен Олжас Қайрат, 3-орынды Калмахан Жасмина мен Амангельды Ералхан иеленді.

Мектепке алғаш келген балалар көптеген қиындықтар мен қобалжуларға тап болуы мүмкін. Ата-аналардың баланың қарым-қатынас пен жас ерекшеліктерін жете білуі көптеген мәселені шешуде көмегін тигізері анық. Осы мақсатта мектеп психологы Назигуль Тусуповна 1-сынып ата-аналарымен онлайн семинар ұйымдастырып, баланың күнін дұрыс ұйымдастыру бойынша кеңес берді.

24 қыркүйек күні гимназиямызда "Бірыңғай жарақаттануды алдын-алу" күніне орай "Қауіпсіздік техникасы және жарақаттануды алдын-алу" тақырыбында семинар өткізілді. Техникалық инспектор Атик Б. В. жиналған техперсоналды еңбек қауіпсіздігінің талаптарын сақтануға және жарақаттануды алдын-алуға шақырды. Әсіресе карантин кезінде бұл шаралардың маңыздылығы түсіндірілді. Соңында қауіпсіздік техникасымен таныстырылып, журналда белгі қойды.

"Сен де бір кірпіш дүниеге, кетігін тап та бар қалан" деп ұлы Абай ойшылымыз айтқандай, жастарымыз үшін мамандық таңдау, өмірде өз жолын айқындап, белгілі бір белеске жету мәселесі өте өзекті. 23 қыркүйек күні 9-11 сынып оқушыларымен экология бағытында Чехияның Оломоуц қаласында Палацск университетінің доктарантура студенті жас ғалым Рахманов Дауренмен онлайн кездесу өтті.

17 қыркүйек гимназияның қамқоршылық кеңесінің кезекті кездесуі ұйымдастырылды. Гимназия директоры А. Дюсембаев кеңес мүшелерін кезекші сыныптағы білім беруді ұйымдастыру, санитарлық нормалардың орындалуы, қашықтықтан оқытуда қолданылатын білім ресурстарымен жұмыс барысымен толық таныстырды.

17 қыркүйек күні "Қашықтықтан оқыту кезінде балаға қалай көмектесуге болады?" атты жалпыреспубликалық ата-аналар жиналысы ұйымдастырылды. Жиналыс барысында: оқыту платформасында жұмыс жасау; "Онлайн-мектеп" ресурсын қолдану; оқушылардың оқу жетістіктерін бағалау; балаларға берілетін тапсырмалар көлемі сияқты мәселелер бойынша нақты ақпарат түсіндіріліп, сауалдарға жауап берілді.

Бүгін 1-қыркүйек Білім күніне орай 1 сынып оқушыларына салтанатты тәрбие сағаты ұйымдастырылды. Барлық санитарлық талаптарды сақталды: дене қызуын өлшеу, қолды өңдеу, антисептикалық кілемшелер мен дәліздер қолдану, кабинетті кварцтау. Балалар 2 топқа бөлініп, салтанатты шараға қатысты.