Ақсу қаламыздың 60 жылдық мерейтойына орай бейнероликтер сайысына 7ә сынып оқушысы Госман Айлана қатысып, жүлделі ІІ орынды жеңіп алды. Құттықтаймыз!

Тәуелсіздігіміздің 30 жылдық мерейтойы қарсаңында жоғары сынып оқушылары "Қағандық" қоғамдық бірлестігінің төрағасы Жанғазы Еркеғали ағамен кездесті. Кездесу "Ұлтжанды ұрпақты тәрбиелеудегі Ұлы тұлғалар өнегесі" тақырыбында ұйымдастырылды. Жанғазы Еркеғали аға болашақ ұрпақтың қоғамдық санасын қалыптастыру, ұлттық құндылықтардың маңызы, ер балалардың намысы мен жауапкершілігі туралы құнды пікірлерімен бөлісті.

18 қараша күні мектеп психологы және тәрбие жөніндегі директор орынбасарының ұйымдастыруымен 7 сынып ата-аналарына «Жасөспірімдік шақ және ізгілік педагогикасы» атты семинар өткізілді. Семинарда жасөспірімдік шақтағы баланың психологиялық, физиологиялық дамуындағы өзгерістер, осы жастағы баламен қарым-қатынас ерекшеліктері туралы ақпараттар берілді. Кездесу соңында ата-аналар психолог маманға сауалдар қойды.

Шет тілдер апталығы аясында орыс тілі пәнінен Тулеубаева Кульжанат Бекежановна 9 сыныпта "Система образов в произведении А.С Пушкина "Капитанская дочка" және Ибрайкина Карлыгаш Мухтаровна 6 сыныпта «Ф.И. Тютчев "Есть в осени первоначальной..." тақырыбы бойынша ашық сабақтар өткізді. Ұстаздар жаңа ақпараттық технологияларды қолдана отырып, сабақтарын мазмұнды да қызықты өткізді.

2021 жылғы 11 қараша күні 8-11 сынып оқушылары арасында республикалық лингвистикалық олимпиаданың облыстық кезеңі өтті. Олимпиаданың қорытындысы бойынша гимназияның 9-сынып оқушысы Амангелді Нұрәділ ІІІ орынға ие болды. Жетекшісі Кульжайнат Бекежановна және Ермек Маратұлы. Құттықтаймыз!

2021 жылғы 20 қарашада өткізілген бастауыш сынып оқушыларының ІХ облыстық математикалық турнирінде гимназияның 3-сынып оқушысы Култаев Шахзат және 2-сынып оқушысы Айболатұлы Алмаз ІІІ орын иеленді. Турнирге дайындаған жетекшілері Алмагуль Раимбековна мен Меруерт Жеңісқызын және оқушыларды жүлделі орындарымен құттықтаймын!

2-7 сынып оқушыларына арналған зерттеу жұмыстары мен шығармашылық жобалары "Зерде" конкурсының облыстық кезеңінде ІІІ орынға ие болған оқушылар: Аблаева Наргиз, Қасқырбай Аружан, Ермекова Жулдыз, Ақылжан Дария /5-сынып/, Сабыржан Дильназ /6-сынып/, Берикова Даяна /2-сынып/, Мұрат Айлана, Токтамысов Санжар /3-сынып/, Ермек Сабина, Шахмет Мансур /4-сынып/, Мустаханов Расул, Ермек Назерке /7-сынып/. Құттықтаймыз!

Тоғызқұмалақ бойынша 9,11,13,15 жас аралығындағы жасөспірімдер мен қыздар арасындағы Павлодар облысының чемпионатында 3а-сынып оқушылары Аблай Нұрсұлтан мен Каркен Айя, 5а-сынып оқушысы Аблаева Наргиз І орынды иеленді. Тренері Гүлжан Мухаметкалиевна мен жеңімпаз оқушыларды құттықтаймыз!

ҚР тәуелсіздігінің 30 жылдығы қарсаңында "НұрОтан" партиясы "Ардагерлерді ардайық" онлайн акциясын ұйымдастырды. Акция нәтижесі бойынша жеңіске жеткен қаламыздың құрметті азаматы, ардагер ұстаз Рымкеш Хамитовна Сламбекованы құттықтаймыз! Рымкеш Хамитовна қаламыздағы қазақ мектебінің негізін қалаушы, дарынды балалардың білім алуына зор үлес қосқан азаматша.

Құрметті қызмет алушылар, Қазақстан Республикасының Мемлекеттік қызмет істері агенттігі 2021 жылы мемлекеттік қызметтерді көрсету сапасымен қанағаттану деңгейін анықтау мақсатында "Ашық диалог" алаңында онлайн нысанда сауалнама жүргізіп жатыр. Сауалнамаға белсенді түрде қатысуларыңызды сұраймыз.

Ұлт ұстазы Ыбырай Алтынсариннің 180 жылдығына орай 2-4 сынып оқушылар арасында "Кел, балалар, оқылық..." атты мәнерлеп оқу сайысы өткізілді. Жазушының мазмұны мәнді, тәрбиелік мәні бар өлеңдерін жаттап үлкен дайындықпен келген оқушылардың өнерін қазақ тілі мен әдебиет пәнінің мұғалімдері бағалап жеңімпаздарды анықтады. Барлық қатысушыларға алғыс хат табысталды.

"KazRoboProject - 2021" Республикалық байқауына белсенді қатысқаны үшін Жалешова Айым және Жалешова Аяна "SMART-City" қосымша номинациясы бойынша марапатталды. Жоба жетекшісі Атик Бибигуль Васильевна. Құттықтаймыз!