Гимназияда 2015 жылдың 19-24 қаңтар  аралығында жаратылыстану пәндерінің апталығы өтті. Апталықта  іс-шараларжоспарлы түрде өткізілді. 20 қаңтар 10-сыныпта «Металдар тақырыбына жалпы шолу» химия сабағы өтті. Пән мұғалімі Ерхасова Қ. Б., экономика пәнінен 8-11сыныптар арасында олимпиада  өткізілді, пән мұғалімі Сыздыков А.Ж. Іріктеу турынан жоғары нәтиже көрсеткен оқушылар: Қабылда Әлібек, Успанова Айгерим 11сынып, Асқарбек Әділ 10 сынып, Болатбай Әділ 8 сынып. 21 қаңтар 10-сыныпта географиядан «Халықаралық   экономикалық    интеграция» атты ашық сабақты  Алиаскарова А.Т.  өткізді. 22 қаңтар 7а-сыныбында «Бунақденелілердің  шөпқоректі, жыртқыш, паразиттік және аса паразиттік өкілдері. Олардың биоценоздық және практикалық маңызы» атты ашық сабақты биология пән мұғалімі Турганбекова А.Т. өткізді. Сабақта 7 модуль кіріктіріліп, оқушының ақыл-ойын кеңейтуге, танымдық қызығушылығын қалыптастыруға бағытталған  түрлі әдіс тәсілдер Блум таксономиясы бойынша сабақтың әр кезеңінде тиімді пайдаланылды. Оқушылар жергілікті жерде жиі кездесетін бунақденелілердің түрлі топтарын зерттеп, биоэкологиялық ерекшеліктерін ажырата білді, бағалау критерийлері бойынша  оқушылардың өзін-өзі бағалауы тиімді жүргізілді. 22.01. оқушылардың  ой-өрісін арттыру,  пән бойынша алған білімдерін  қолдана білуін, дағдысын, шығармашылық қабілеттерін дамыту және командада топпен, ұжыммен жұмыс істей білуге баулу мақсатында  6-10 сыныптар арасында   «Биология  білгірлері» атты интеллектуалдық  сайыс  өткізілді. Жауапты Муханова У. К. Сайыста  10 сынып оқушысы Ермек Әділеттің командасы жеңіске жетті. Команда құрамы: Аманжолова Адина 6, Жандарбек Жақан 9а, Боранбай Бихан 8, Жакенова Дария 9ә, Аждарова Ұлжан 7ә сынып оқушылары. Сайысты жүргізуге белсене қатысқан 10 сынып  оқушылары: Қабылбекова Айым, Қайыржан Санжар, Асқарбек Әділ. Апталық кезінде өткізілген іс-шаралар арқылы мұғалімдер оқушылардың осы пәндерден  терең білімдерін, ұшқыр ойларын дамыта түсті, оқушылар  ұжыммен жұмыс істеу қабілеттерін жетілдірді, тапсырмаларға  жылдам, дұрыс  жауап беріп, жаратылыстану  пәндеріне деген  көзқарастарын ауқымды білімдерімен көрсете білді, өз ойларын  еркін жеткізе білуге дағдыланды. Жаратылыстану пән апталығы  «Дарынды қабілеті бар балаларды жеке бағытта   оқытудың   тиімді жолдары» атты мектепішілік  семинармен аяқталды. Мұғалімдерге  экономика және құқық пән мұғалімі  Сыздыков А. Ж. «Нәтижеге жету үшін жұмысты қалай ұйымдастыру керектігі туралы» өз ойымен бөлісті. Семинар соңында мұғалімдерге қандай сайттармен жұмыс жасауға болатындығы туралы нұсқау берілді. Апталық барысында жоспарланған іс-шараларға мектеп әкімшілігі  мен бірлестік пән мұғалімдері қатысып, сабақтарға талдау жасалды және әдістемелік тұрғыда ұсыныстар жасалды.

                  Жаратылыстану ӘБ жетекшісі: Муханова У.К.