29 ақпан күні Павлодар қаласында өткен облыстық "Жарқын болашақ" қазақ тілі олимпиадасында гимназиямыздың 10-сынып оқушысы Баянбатұлы Ерасыл "Сөз шеберлігі" бағыты бойынша ІІ орынға ие болды. Жетекшісі Есенгожина Акмарал Еркеновнаны және Ерасылды құттықтаймыз!

М.-Ж. Көпейұлы шығармашылығын кеңінен насихаттау мақсатында 2020 жылғы 24 ақпанда өткізілген облыстық Мәшһүр Жүсіп оқуларында «Алдыма өлең жаз деп қағаз келген...» мүшәйрасында гимназиямыздың 9 сынып оқушысы Садыбеков Жандос жеңіс тұғырынан көрініп, жүлделі ІІІ орынға ие болды. Жетекшісі Есенгожина Ақмарал Еркінқызын және Жандосты құттықтаймыз!

19 ақпанда 1-4 сынып қыз балалары үшін "Анаға қарап қыз өсер" атты шеберлік сағаты өтті. Шеберлік сағатында аналар тоқаш пісіру, торт безендіру шеберліктерімен бөлісті. Бұл күні қыздарымыз тоқашты көбелек, жүрекше, гүл, бұрым, білезік формаларында жасауды үйреніп, тортты үш түрлі әдіспен безендіруді меңгерді.

Бүтін әрі сау тістер - бала денсаулығының кепілі екені белгілі. Ал тіс жегінің алдын алу үшін не істеу керек, тіс күтімінде нені ескеру керек деген сауалдардың жауабын алу үшін бастауыш сынып оқушылары тіс дәрігерімен кездесті. Кездесу барысында тіс дәрігері Ахметов Нұржан Сержанұлы тіс күтімі туралы бейнеролик көрсетіп,тісті дұрыс тазалау жолдарын үйретті.

БӘБ апталығы барысында А.И.Аубакирова 3-сыныпта "Қазақ хандығының құрылуы" тақырыбында дүниетанудан және М.Ж.Жаксыбекова 4-сыныпта математика пәнінен ашық сабақтар берді. Сабақтарда "Суреттер сөйлейді", "Текше", "БББ кестесі" және т. б. әдіс-тәсілдер қолданылды. Сонымен қатар 2-4 сынып оқушылары арасында математикалық олимпиада және көркем жазу байқауы өткізілді.

17 ақпан күні гимназияда 17 ақпан күні гимназияда бастауыш сыныптар апталығы басталды. Таңертеңгі флешмобпен басталған апталық алғашқы сәттен балаларға көтеріңкі көңіл-күй сыйлады. Үзіліс кезінде ұйымшылдыққа, бірлікке үйрететін көңілді ойындар ойнатылып, "Ақ қағаздың бетіне, алуан бояу түсіріп" бұрышында сурет салу ұйымдастырылды.

Сыбайлас жемқорлықтың алдын алу мақсатында жыл бойы гимназияда сынып сағаттары мен мемлекеттік қызметкерлер, ардагер ұстаздар т. б. еліне адал қызмет етіп келе жатқан азаматтармен кездесу дәстүрге айналды. 14 ақпан жоғары сынып оқушылары Ақсу қалалық соты мамандары Иманбаева Алия Казбековна, Шымырова Айгүл Абдрахимовнамен кездесті.

15 ақпан күні 5-10 сынып ата-аналарына жаңа үлгіде мектепішілік жиналыс өткізілді. Бұл форматтың ерекшелігі: әрбір пән бойынша ата-ана мұғалімге жеке жолығып, баласының білім сапасы, дайынғы, сабаққа қатысуы және бақылау жұмысын орындауы туралы толық ақпарат алып, өзін толғандыратын сауалдарды қоя алады. Сыныптарға "Оқушылардың жас ерекшелігін ескеру маңызы" атты психологпен бірлескен кездесу ұйымдастырылды.

Кез-келген би байқауында жеңіс тұғырынан көрініп жүрген гимназияның "Айгөлек" үлгілі би тобы 14.02-15.02 күндері аралығында өткен Халықаралық "Жұлдыз" балалар мен жастарға арналған өнер байқауында да бас жүлдеге ие болды. Жетекшісі Зембаева Динара Нигматуловна. Құттықтаймыз!

2020 жылғы 11-14 ақпан аралығында Алматы қаласы әл-Фараби атындағы ҚазҰУ-дің негізінде республикалық ғылыми жобалар конкурсы өткізілді. Конкурстың қорытындысы бойынша 11-сынып оқушысы Жуматаева Асель (орыс әдебиеті секциясы) І оынға ие болды. Жетекшісі орыс тілі және әдебиет пәнінің мұғалімі Тулеубаева Кульжайнат Бекежановна. Құттықтаймыз!

Гимназиямыздың 9 сынып оқушысы Арынова Дария 13 ақпан күні өткізілген облыстық "Bakytty bala-2020" вокалдық өнер байқауына қатысып, жүлдегер атанды. Жетекшісі Кабдуллина Самал Сансызбаевнаны және оқушымызды құттықтаймыз!

13 ақпан күні өткен облыстық Павлодар қазақша КВН лигасы "Маусымашар-2020" фестивалінде гимназиямыздың "Әрі-бері" командасы әзілдері жарасып, Кіші кубокты иеленді. Команда құрамында: Ерназарұлы И. (6а-сынып), Баисова А., Апаева А., Алимжанов А., Арнабекұлы А., Малибекова Д., Кожагелдыев А., және Талғатбек Е. (8а-сынып). Команда мүшелерін және олардың жетекшісі Кушова Ақмөлдір Сагинбаевнаны құттықтаймыз.