2022-2023 оқу жылының басталуына арналған 1 қыркүйек – Білім  күнін және «Терең білім, еңбекқорлық және отаншылдық қасиет» тақырыбында бірыңғай сынып сағатын өткізу

ТҰЖЫРЫМДАМАСЫ

Қыркүйектің бірінші күні білім беру ұйымдарында білім күніне арналған салтанатты жиын өтеді.

Өңірлік білім басқармалары жаңа 2022-2023 оқу жылын жариялайтын іс-шараның жоғары идеялық-құндылықтық мазмұнын қамтамасыз ету мақсатында қажетті іс-қимылдарды үйлестіреді.

Білім беру ұйымдары оған бүкіл мектеп ұжымының қатысуын қамтамасыз етеді. 

1. САЛТАНАТТЫ ЖИЫН

Салтанатты жиын және алғашқы сынып сағаты бұл мектепте жаңа оқу жылының ашылуына арналған әрі білім берудің адам өміріндегі маңызы мен рөлін айқындайтын іс-шаралар болып табылады.

Салтанатты жиынды өткізу түрін, қатысушылар құрамын білім беру ұйымдары дербес айқындайды.

Мемлекеттік туды алып шығу және гимнді орындау Қазақстан Республикасының мемлекеттік рәміздерін пайдалану тәртібіне сәйкес жүргізіледі¹.

Салтанатты іс-шараның мақсаты: жаңа оқу жылының басталуы қарсаңында білім алушылардың бойында жағымды көңіл-күй, оң көзқарас қалыптастыру.

Міндеттері:

• қатысушыларды өткен оқу жылының жетістіктерінен хабардар ету;   
• білім алушылардың бойында оқуға құштарлық пен білім алуға деген ұмтылысын қалыптастыру;
• білім алушылардың бойына отаншылдық, құрмет және азаматтық сана құндылықтарын дарыту;
• өзара құрмет пен түсіністікке негізделген мектеп мәдениетін қалыптастыру. 

Салтанатты сап түзеуге өңірдің дамуына үлкен үлес қосқан құрметті адамдарды шақыру ұсынылады.

Жиынға бірінші сынып білім алушылары ата-аналарының қатысуы маңызды екендігі ескеріледі.

¹https://www.akorda.kz/ru/official_documents/constitutional_laws/o-gosudarstvennyh-simvolah-respubliki-kazahstan-1

2.      БІРЫҢҒАЙ СЫНЫП САҒАТЫ

2022 жылғы 1 қыркүйекте республиканың барлық жалпы білім беретін мектептерінде «Терең білім, еңбекқорлық және отаншылдық қасиет» тақырыбында бірыңғай сынып сағаты өткізіледі.  

«Жастар рухы» партиясы жастар қанатының кезектен тыс VI съезінде Қазақстан Республикасының Президенті Қ. Тоқаев Жаңа Қазақстан жастары үшін маңызды үш басымдық – Терең білім, Еңбекқорлық және Отаншылдық қасиетті атап өтті.

30 тамыз - Қазақстан Республикасының Конституция күні.

Сынып сағаттарының мазмұны білім алушылардың жас ерекшеліктерін ескере отырып, мемлекет үшін ерекше идеологиялық маңыздылығын айқындайды. 

Бірыңғай сынып сағатын өткізу кезінде кәсіби қызметінде елеулі жетістіктері бар, еңбексүйгіштік, білімге деген ұмтылыс және отаншылдық құндылықтарының жарқын көрінісі болып табылатын құрметті қонақтың қатысуы ұсынылады.

Бірыңғай сынып сағатының мақсаты:білім алушылармен бірге білімге ұмтылу, отаншылдық, еңбексүйгіштік құндылықтарының адам өміріндегі рөлін талқылау.

Міндеттері:

• білім алушыларға құндылықтар жөнінде жалпы ақпарат беру;
• білім алушылармен бірге құндылықтардың адам өміріндегі рөлін талқылау;
• отаншылдық, құрмет және азаматтық сана құндылықтарын дарыту;
• сыныптың жағымды микроклиматын және жаңа оқу жылына жағымды көңіл-күй қалыптастыру.

Ұсынылады:

• балалардың жазғы демалыстан алған әсерлерін, сондай-ақ жаңа оқу жылынан күтулерін талқылау;
• заманауи интерактивті технологияларды, қосымша көрнекі құралдарды қолдану, мұражай, кітапхана ресурстарын пайдалану.

3.      РЕСПУБЛИКАЛЫҚ ОНЛАЙН-АКЦИЯ

Білім күні білім алушылар, олардың ата-аналары мен педагогтері арасында әлеуметтік желілерде 1-2 минуттық бейнеролик орналастыру бойынша «Терең білім, еңбекқорлық және отаншылдық қасиет» республикалық онлайн-акциясын өткізу ұсынылады.

Бейнероликке ұсынылатын тақырыптар:

• барлығы үшін «Менің мектебім-ең керемет мектеп!», «Сәлем, жаңа оқу жылы!», «Маған мектеп формасы ұнайды!», «Отанға деген сүйіспеншілік және Патриотизм»;
• бірінші сынып білім алушыларына арналған «Менің мектептегі алғашқы күнім»;
• 2-4 сынып білім алушыларына арналған «Менің жарқын жазғы оқиғаларым», «Білім саған жол ашады»;
• 5-8 сынып білім алушылары үшін – «Менің саяхатым»;
• 9-11 сынып білім алушылары үшін – «Менің үлкен сыныптастарым», «Менің ойларым, армандарым, үміттерім», «Білімнің адам өміріндегі рөлі»;
• ата-аналар, 1-сынып білім алушылары үшін – «Біздің мектептегі бірінші күніміз», «Бірінші сынып – өмірдің жаңа кезеңі»;
• сынып жетекшілері үшін – «Жаңа оқу жылы құтты болсын, менің сүйікті сыныбым!», «Еңбекқорлық – бақыт негізі».

* Білім күніне арналған салтанатты іс-шаралардың және бірыңғай сынып сағаттарының материалдары білім беру ұйымдары және білім басқармаларының сайттарында орналастырылады.