«Ақсу қаласының дарынды балаларға арналған мамандандырылған гимназиясы» ММ.

 Үш тілде оқыту  нәтижесі бойынша мәтіндік есеп.  2021-2022 оқу жылы.

2021-2022 оқу жылы үш тілде оқыту 7-11 сыныптарына енгізілді. Барлығы 154 оқушы қамтылған.

Ағымдағы оқу жылы 7,8 сыныптарда факультативтер мен арнайы курстар  терминологиялық негізде ағылшын тілінде жүргізіледі.  8-11 сыныптарда биология, физика және информатика пәндері толық  ағылшын тілінде жүргізіледі.

Факультативтер мен арнайы курстарды  жүргізу барысында мұғалімдер өздері құрастырған терминологиялық сөздікті, ағылшын терминологиясынан тақырыптық тапсырмалар жинағын, бейнематериалдарды, netacad.com Cisco Networking Academy, support.office.com интернет ресурстарын,  http://bilimland.kz/,  сайт:Kidshealth, YouTube-ті,т.б.  қолданады.

ЖМБ пәндерін үш тілде оқытатын мұғалімдердің сапалық құрамы.

2021-2022 оқу жылы

       Барлығы: 5 мұғалім.      154 оқушы

2021-2022 оқу жылы үш тілде оқытуды жүзеге асыру барысында төмендегі оқулықтар қолданылады.

Пән бойынша оқушылардың білім сапасы 1 жарты жылдық  бойынша  тұрақты жоғары деңгейде.

І жартыжылдық бойынша оқушылардың пәндік терминдерді меңгеруі деңгейі қанағаттанарлық және оқушылардың пәнге деген қызығушылығы жоғары екенін көрсетті.   

Оқушылардың тілдік білімін жетілдіру бағытында 8а,8ә сыныптарында Lesson Stydu зерттеу сабақтары өткізіліп, мұғалімдер өзара тәжірибе бөлісті. Сабақтарды жүргізу барысында мұғалімдер АКТ , жаңа әдіс – тәсілдерді, интернет ресурстарды http: //bilimland.kz/,   сайт: Kidshealth, YouTube каналын, LearningorgApps. қосымшасын т.б, тиімді қолданады. Терминді меңгеру деңгейін анықтау үшін терминологиялық диктанттар, сәйкестендіру, сұрақтарға ауызша, жазбаша жауап беру сияқты тапсырмалар қолданылады.

Оқушылардың пән бойынша білімін, ағылшын тіліндегі пәндік терминологиялық сөздік қорын  жетілдіру барысында сыныптан тыс іс- шараларды өткізудің де маңызы зор. Осы негізде гимназияда  ағымдағы оқу жылы 6,7 сыныптар арасында «Yeopardy game», 9,10 сыныптармен «English Battle» интеллектуальды ойындары , 7-10 сыныптарда «Ағылшын тілі сабақтарында тиімді платформаларды қолдану» тақырыбында ашық сабақтар өткізілді.

Үш тілде оқыту бағдарламасы негізінде 3 жылға жасалған тұжырымда барысында ағымдағы оқу жылы ағылшын тілінде дебат тобы құрылды.

Осы шаралардың  нәтижесінде  оқушылардың  тілдерді үйренуге деген қызығушылығы  артады,  оқушылардың  үш тілде еркін сөйлеуі, үш тілде сауатты жазу қабілеті  және де шығармашылық қабілеттері дамиды

Осы бағытта жұмыс істеп жатқан ұстаздардың да іс – тәжірибесі облыс көлемінде таратылды.

ЖМБ пәндерді ағылшын тілінде оқыту бойынша 8-24 желтоқсан арасында мониторинг топтары. құрылды. Сол топтардың құрамына біздің гимназияның 3 мұғалімі де кірді.   Олар физика мұғалімі Кабылбекова А.С., информатика мұғалімі Абылгазина Э.Т., биология мұғалімі. Жахав Б.Т.  Біздің мұғалімдерде ашық сабақтар беріп тәжірибемен бөлісті.

22 ақпан  Павлодар облысының білім беруді дамытудың инновациялық орталығының қолдауымен  «Интербелсенді әдістер- тілдік құзіреттілікті арттыру құралы» тақырыбында облыстық семинар өткізілді.

Үштілділікті жүзеге асыру аясында мұғалімнің кәсіби құзіреттілігі- оның жан-жақты білімділігімен, кәсіби шеберлігімен, оқытудың жаңа әдіс- тәсілдерін менгеруімен, тілдік деңгейімен өлшенеді.

Осындай  әдістемелік дайындықтың жоғары деңгейіне ие, шығармашылықпен жұмыс істейтін «Ақсу қаласының дарынды балаларға арналған гимназиясы» КММ ұстаздары өз тәжірибесімен бөлісті.

«Оқушылардың физика сабағындағы ағылшын тілінде сөйлеу дағдыларын   дамыту жолдары» тақырыбында    Кабылбекова А. С. – физика пәні мұғалімі , педагог- шебер, «Үздік педагог - 2014»  иегері, физика пәнін ағылшын тілінде оқытудағы тәжірибесі Республика деңгейінде таратылған ұстаз  және   Атик Б.В. – физика пәні мұғалімі , педагог-зерттеуші, STEM  тренері  Халықаралық    сертификат иегері  «Үш тілді оқыту» бағдарламасын жүзеге асыру барысында физика пәнін ағылшын тілінде оқытуда, оқушының ағылшын тілінде сөйлеу дағдыларын қалыптастыруда қолданатын әдістемелік құралдармен, әдіс- тәсілдермен бөлісті.

«Информатика пәнін ағылшын тілінде оқытудағы әдіс- тәсілдер.» бойынша өз іс – тәжірибесімен бөліскен.  Абылгазина Э.Т. – информатика мұғалімі. педагог-зерттеуші, «Жыл мұғалімі-2021» байқауының І орын  иегері әріптестерімен сабақта қолданатын  «Төңкерілген сынып»  модулімен және Wizer.me көмегімен кері байланыс жасау , «Informatics» 7-сыныпқа арналған  мультимедиа қосымшасын жасау т.б. әдіс- тәсілдерімен бөлісті.

 Аталмыш әдістемелік құралдар мен әдіс – тәсілдерді  қолдана отырып ағылшын тілінде оқыту оқушылардың сөздік қорын кеңейтеді, жаңалық ашуға, әртүрлі бақылаулар, тәжірибелер жүргізуге құлшындырады Ең бастысы оқушының ағылшын тілін меңгерудегі сөздік қоры толығады, сөйлеу дағдысы қалыптасады

21 сәуір  2022 жылы Май ауданы мен Ақсу ауданы мектептерінде жаратылыстану мен математика бағытындағы пәндерді үш тілде оқытатын ұстаздарға «Үштілде білім алу және STEM-әдістері» тақырыбында семинар практикум  өткізілді. Семинарға Павлодар облысының білім беруді дамытудың инновациялық орталығының әдіскері Нұргүл Хумарбекқызы қатысты. 

«Ақсу қаласының дарынды балаларға арналған гимназиясы» КММ физика пәні мұғалімдері Қабылбекова А.С., Атик Б.В., информатика мұғалімі Абылгазина Э.Т. ашық сабақтар мен шебер сынып өткізіп, өз іс-тәжірибелерімен бөлісті.  «STEM-ғылыми-техникалық білім негізі»- тақырыбында көрме ұйымдастырылды.  Гимназия директорының ғылым жөніндегі орынбасары Аккентаева К.М. ұстаздардың кәсіби өсу көрсеткіштері мен осы бағытта атқарылып жатқан іс- шараларға тоқталып өтті. Гимназияда үш тілде оқыту бағытындағы іс- шаралардың ішіндегі ұлы адамдарға арналған әдеби кештерді үш тілде өткізу дәстүрге айналған. Семинарда ұлы ұстаз А. Байтұрсыновтың 150 жылдығына арналған «Ұлтымыздың  ұлы ұстазы»  атты әдеби кеш өткізілді

Семинар соңында пікіралмасу өткізіліп, осы бағытта мұғалімдер өз сұрақтарын қойып, ойларын ортаға салып, қажетті құнды мәліметтер алып, ары қарай да бірлесіп жұмыс істеуді жоспарлады.

Гимназияда бұл бағыттағы жұмыстар үш тілде білім беру тұжырымдамасының негізгі бағыттары бойынша жүйелі жүргізілуде.