Егеменді еліміздің тыныштығын және бейбітшілігін қорғау, бұл әр азаматтың қасиетті борышы екендігі баршамызға мәлім.Ал Отанды қорғаушылар тек қана білектің күшіне сүйенушілерден ғана болмай, ақылы мен қайраты, күш-жігері мен зердесі бірдей мықты болғаны – бұл ел қорғаушы ерлерге қойылатын талап. Болашақ Отанқорғаушы отбасы мен мектептің ынтымақтасқан әрекеті нәтижесінде қаланары анық.
Отанқорғаушылар күніне орай 8-10 сынып ұлдары арасында “ЖасҰлан” әскери-патриоттық сайысы ұйымдастырылды. Ұлдарымыз сапта тұру, автоматты жартылай бөлшектеп жинау, нысанаға оқ ату, ұжымда бірлесе әрекет ету, тығырықтан шығу,кедергілерден өту сияқты кезеңдерден өтіп,өздерінің шапшаңдығы мен қырағылығын, батылдығы мен тәртібін көрсете білді. Сайысқа белсене қатысқан 8а ,8ә, 9ә, 10 сынып оқушыларына алғыс білдіреміз.
Жеңімпаздар мақтау қағазымен, тәтті сыйлармен марапатталды. Сайысты ұйымдастырған АӘД пәні мұғалімі Мейрам Джамалбаев.