1 маусым Балаларды қорғау күні барша бүлдіршін, бөбектердің қызыққа, думанға толы мерекесі. Осындай балалық шақтың мейрамында гимназия жанынан ұйымдастырылған «Балдәурен» жазғы сауықтыру лагері өз жұмысын бастады. Балаларды лагердің алғашқы күні Шығыс ертегінің кейіпкерлері қарсы алды, ерке, ұйқысы қанбайтын ханшайымды барлық балдырғандар ән мен күй, өлең мен би арқылы оятып, көңілін көтеруге тырысты. Жалпы лагердің ашылу салтанатына арналған іс - шара  бөбектердің көңілінен шығып, өте қызықты өтті. Мереке соңында әрбір тәрбиеші өз топ мүшелерімен танысып, оларға эмблемаларын табыс етті. Осы керемет думан өз жалғасын қалалық сауық-сайранда жалғасты.