« Ақсу қаласының дарынды балаларға арналған мамандандырылған гимназиясы» ММ.

 Үш тілде оқыту  нәтижесі бойынша мәтіндік есеп.

 2022-2023 оқу жылы

2022-2023 оқу жылы үш тілде оқыту 7-11 сыныптарына енгізілді. Барлығы 154 оқушы қамтылған.

Ағымдағы оқу жылы 7,8 сыныптарда факультативтер мен арнайы курстар  терминологиялық негізде ағылшын тілінде жүргізіледі.  8-11 сыныптарда биология, физика және информатика пәндері толық  ағылшын тілінде жүргізіледі.

Факультативтер мен арнайы курстарды  жүргізу барысында мұғалімдер өздері құрастырған терминологиялық сөздікті, ағылшын терминологиясынан тақырыптық тапсырмалар жинағын, бейнематериалдарды, netacad.com Cisco Networking Academy, support.office.com интернет ресурстарын,  http://bilimland.kz/,  сайт: Kidshealth, YouTube-ті, т.б. қолданады.

ЖМБ пәндерін үш тілде оқытатын мұғалімдердің сапалық құрамы.

2022-2023 оқу жылы

       Барлығы: 5 мұғалім , 144 оқушы

2022-2023 оқу жылы үш тілде оқытуды жүзеге асыру барысында төмендегі оқулықтар қолданылады.

Пән бойынша оқушылардың білім сапасы.

Пән бойынша оқушылардың білім сапасы   тұрақты жоғары деңгейде.

І, ІІ жартыжылдық бойынша оқушылардың пәндік терминдерді меңгеруі деңгейі қанағаттанарлық және оқушылардың пәнге деген қызығушылығы жоғары екенін көрсетті.   

Үш тілді оқыту – жас ұрпақтың білім кеңістігінде еркін самғауына жол ашатын, әлемдік ғылым құпияларына үңіліп, өз қабілетін танытуына мүмкіндік беретін қажеттілік.  Гимназияда  ЖМЦ пәндері физика, биология, информатика пәндері толық ағылшын тілінде, химия тілі ішінара  өткізілуде.

Үш тілде оқыту бағдармасын іске асыру барысында оны тиімді жүргізудің жаңа әдіс-тәсілдерін, тың жолдарын іздестіріп қарастыруымыз керек.

Осы мақсатта 7 қараша күні гимназияда «Үш тілде білім беру – бүгінгі білім беру жүйесінің басым бағыты» тақырыбында педагогикалық кеңес өтті.  Педагогикалық кеңесте  директордың оқу ісі жөніндегі орынбасары Джамалбаева С.С.  «Жаратылыстану-математикалық цикл пәндерді ағылшын тілінде оқыту — заман талабы» тақырыбында баяндама жасап гимназияда осы бағытта атқарылып жатқан іс- шараларға тоқталып, сабақта қолданылатын СLIL технологиясы,  жұмыс түрлері жөнінде мәлімет берді.   Физика пәні мұғалімі Қабылбекова А.С., информатика мұғалімі Абылгазина Э.Т. іс- тәжірибелерімен бөлісіп, физика мұғалімі  Атик Б.В үш тілде оқытуда STEM технологиясының тиімділігін және   5 Е, PBL (проблемаға бағытталаған оқыту), инженерлік дизайн әдістерімен таныстырып, ұстаздармен практикалық жұмыстар өткізді.  

Оқушылардың пән бойынша білімін, ағылшын тіліндегі пәндік терминологиялық сөздік қорын  жетілдіру барысында сыныптан тыс іс- шараларды өткізудің де маңызы зор. Үш тілде оқыту бағдарламасы негізінде 3 жылға жасалған тұжырымда барысында ағымдағы оқу жылы ағылшын тілінде дебат тобы құрылды.

Ағымдағы оқу жылы облыстық мамандандырылған мектеп оқушыларының арасында ағылшын тілінде дебат турнирі ұйымдастырылды. Турнирдің мақсаты ағылшын тілінде дебат қозғалысының дамуына ықпал ету. Ойын БПФ форматы бойынша 2 айналымда өтті. Жартылай финалда командалар  «Бұл палатаға  көптілді оқыту оқушылардың білім сапасына  оң әсерін тигізеді деп есептейді» қарары бойынша , финалға шыққан командалар «Бұл палатаға балаларды әлеуметтік жағдайы басқа отбасыларға бір жылға алмасуға жібереді» қарары бойынша ойнады. Ойын барысында қатысушылар көзқарастары мен ойларын ағылшын тілінде еркін жеткізіп, өз позициясын қорғай білді.

Наурыздың 17-21 аралығында   үш тілде оқыту бағытында «Жаратылыстану-математикалық пәндер ғылымының шыңына STEM-баспалдағымен» тақырыбында апталық өткізілді. Апталық барысында STEM олимпиадасы, «Super Biologist» зияткерлік сайысы, «Travel in the world of informatics» интеллектуалды ойыны, « ЖМ пәндер ғылымының шыңына STEM-баспалдағымен» атты макеттер байқауы, «Не? Қайда? Қашан?» интеллектуалды ойыны  өткізілді.

Осы шаралардың  нәтижесінде  оқушылардың  тілдерді үйренуге деген қызығушылығы  артады,  оқушылардың  үш тілде еркін сөйлеуі, үш тілде сауатты жазу қабілеті  және де шығармашылық қабілеттері дамиды

Осы бағытта жұмыс істеп жатқан ұстаздардың да  жыл сайын іс-тәжірибесі облыс көлемінде таратылады.

Облыстық мамандандырылған мектептердің жаратылыстану- математика бағытындағы пәндерді ағылшын тілінде оқытатын мұғалімдеріне арнап «Тілдік орта құру арқылы мектеп оқушыларының көптілділігін қалыптастыру» тақырыбында  облыстық семинар өткізілді. Семинарға Павлодар облысының білім беруді дамытудың инновациялық орталығының әдіскерлері  Өсен Е. және Тыныштықбай О. қатысты. 

Үштілділікті жүзеге асыру барысында әдістемелік дайындықтың жоғары деңгейіне ие, шығармашылықпен жұмыс істейтін «Қаныш Сәтбаев атындағы  дарынды балаларға арналған мамандандырылған гимназиясы» КММ физика пәні мұғалімдері Қабылбекова А.С., Атик Б.В., информатика мұғалімі Абылгазина Э.Т. және  химия пәні мұғалімі Сыздыкова Г.Е. ашық сабақтар берді. Қабылбекова А.С., Атик Б.В., Абылгазина Э.Т.  шебер сынып өткізіп, өз іс- тәжірибелерімен бөлісті.  Гимназияда үш тілде оқыту бағытындағы іс-шаралардың ішіндегі ұлы адамдарға арналған әдеби кештерді үш тілде өткізу дәстүрге айналған. Семинарда  «Ұлтымыздың  ұлы тұлғалары»  атты әдеби кеш өткізілді.

Семинар соңында пікіралмасу өткізіліп, гимназия оқушыларының орта буыннан бастап ағылшын тілін терең меңгергенін және семинардың  жоғары деңгейде жүргізілгені атап өтілді.  

Гимназияда бұл бағыттағы жұмыстар үш тілде білім беру тұжырымдамасының негізгі бағыттары бойынша жүйелі жүргізілуде.