2024 жылдың 7 ақпаны күні Білім беруді дамытудың инновациялық орталығы мен Қаныш Сәтбаев атындағы дарынды балаларға арналған мамандандырылған гимназиясы қазақтың ұлы перзенті, ғұлама ғалым, тұңғыш академик Қаныш Сәтбаевтың 125 жылдығына арналған «Қаныш және әдебиет» атты семинар-практикум ұйымдастырды.

Семинар гимназия директоры Дюсембаев А.К. құттықтау сөзімен басталды. Семинар барысында қазақ тілі мен әдебиеті мұғалімдері Есенгожина А.Е., Нургалиева Д.А., Алепарова Р.Т., Айтмагамбетова Б.Ж. «Заманауи білім берудің әдіс-тәсілдері» негізінде ашық сабақтар беріп, «Функциональдық сауаттылықты дамытуда қолданатын тиімді әдіс- тәсілдер» тақырыбында шеберлік сағатын өткізді.

«Ұлттың ұлы перзенті» атты әдеби кеште оқушылар ғалымның балалық шағынан және “Ер Едіге” жырынан көріністер көрсетіп, Қаныш Сәтбаевқа арналған өлеңдер оқылып, кеш “Сәтбаев вальсі” әнімен аяқталды.

Семинарды қорытындылау барысында ББДИО әдіскері Солтанова Б.Ж. семинар барысына қатысқан ұстаздарды марапаттады.

Семинарға қатысқан облысымыздың мамандандырылған мектептеріне, Павлодар, Ақсу қалаларына, Май, Щербақты, Железинка, Павлодар , Ақтоғай, Тереңкөл, Успенка аудандарына алғыс білдіреміз.