2024 жылдың 2 желтоқсан күні Қаныш Сәтбаев атындағы дарынды балаларға арналған мамандандырылған гимназиясының 11а,11ә сынып оқушылары Ұлттық тестілеу орталығының ҰБТ-2025 нұсқаулығымен танысты. Нұсқаулыққа сай жасалған көрсетілім бойынша С.Джамалбаева, К.Тулеубаева сөз алды.
«Ұлттық бірыңғай тестілеу (ҰБТ) – жоғары және (немесе) жоғары оқу орнынан кейінгі білім беру ұйымдарына түсуге арналған іріктеу емтихандарының бір нысаны» (ҚР «Білім туралы» Заңы, 1 б., 56 т.)
Көрсетілімнен ҰБТ мерзімдері, ҰБТ форматы, тестілеуге кіргізу, ҰБТ-да тыйым салынған заттар, өтініш беру мерзімдері, өтініш беру үлгісі, тестілеу уақыты мен үзілістер, апелляцияға өтініш беру, ҰБТ бейіндік пәндер комбинациялары, конкурс бойынша білім беру гранты, толық оқу мерзіміне түсу үшін шекті балл, ҰБТ балдарына ауыстыратын тест сертификаттары жөнінде ақпарат берілді.
11-сынып оқушылары ҰБТ-ға дайындалуда тегін онлайн сабақтар қатысу және өздігінен https://prob-ent.testcenter.kz сайты арқылы тегін, https://app.testcenter.kz/profile/prob-test сайтымен ақылы түрде тест тапсыруға болатыны жөнінде мәлімет алды.