2013 жылдың 21 ақпан күні гимназия мәжіліс залында «Дарынды жас қыран» атты сайыс өткізілді. Бұл сайысқа «Жас ұлан» ұйымының «Жас қыран» қатарына қабылданған 2-4 сыныптарының оқушылары қатысты. Сайыс ережесі бойынша әрбір топ өз таныстыруын ұсынып, екінші бөлімде «Жас ұлан» ұйымының ережесіне байланысты сұрақтарға жауап беріп, ҚР түрлі көрнекі орындарының суретін мозаика түрінде жинап, сол туралы мағлұмат берді. Ал «Дарынды жас ұлан, кемелді Қазақстан» деген бөлімде әр топ өздерінің еліміздің патриоты қандай болу керек  деген ойды қозғап, оны көрініс, эссе, диалог, ән, би, т.б. бағыттар бойынша көрермендер мен әділ қазылар алқасына көрсете білді. Қызықты да тартымды тартыстан кейін 2а,2ә,4а сыныптары белсенді қатысқаны үшін мадақтамалармен марапатталса, 3ә сыныбы – ІІІ орынды, 3а сыныбы – ІІ орынды, 4ә сыныбы – І орынды иеленді.