Мен, Мұхитов Қасымхан, Ақсу қаласы гимназияның 2013 жылы түлегімін, «Алтын белгі» иегерімін.  Гимназияда 1-сыныптан бастап 11-сыныпқа дейін оқыдым. 2012 жылы мамыр айында Қазақ педагогикасының жарық жұлдызы, аты аңызға айналған біртума тұлға, саналы өмірін шәкірт тәрбиелеуге арнап, ана тілінің құдіретін ұрпақ тәрбиесіне сіңіріп келе жатқан әйгілі ұстаз Қанипа Омарғалиқызы Бітібаева атына өткізілген қазақ тілі мен әдебиетінен Халықаралық олимпиадаға қатысып, жүлделі екінші орынды иелендім. Республиканың және көрші Ресей, Моңғолия, Қытай, Қырғыз елінен жиналған үздік саңлақтарымен ой жарыстырып, білім бәйгесіне түстім. Өзге елде жүрсе де, өз тілін, әдебиетін, тарихын, мәдениетін, ұлттық болмысын жоғалтпаған  қандас бауырларымыздың олимпиадаға қатысуы қуантарлық жай. Осы олимпиадаға дайындық барысында өз білімімді жетілдіріп, шыңдай түстім. Жүйріктердің үздік додасында өз білімімді көрсетіп, мол тәжірибе жинадым.

Олимпиададағы жеңісім он бір жыл оқыған білімімнің жемісі, жарқын болашағымның кепілі болды. Осындай жеңіске жетелеген ұстаздарым Шалабаева Аршагүл Олжаханқызына, Шапауова Әсемгүл Сембіқызына, Дүйсембаев Әскербек Құлтайұлына  алғысымды білдіремін.