Сынып сағаттарын өткізу барысында жиі кездесетін қателіктер

1.    Шараны  өткізу барысында  тапсырмаларды тек өз пәнінің төңірегінде дайындайды. Пәннің басқа да саламен байланысы мүлде қарастырылмайды.

Мысалы: қазақ тілінен ХХІ ғасыр көшбасшысы ойынында тек қазақ тілі мен әдебиетіне қатысты сұрақтар мен тапсырмалар қарастырылған.

2.    Шара барысында жағымды эмоционалдық жағдай туғызу, соған әрекет ету сирек кездеседі.

Мысалы: сайыс кезінде  кезеңдер арасында, жеңіске жеткенде, тапсырма орындау барысында музыка, сурет, бейнефильм қолдану.   Интербелсенді әдістерді қолдану. Патриоттық бағыттағы шара болса, рухты көтеретін әндер, үзінділер  тыңдату т.б.

3.  Кейбір тапсырмалардың оқушы қиялының дамуын шектеуі.

Мысалы: «Болашақта қандай мектепте оқығың келеді?» тақырыбында жоба-үлгі қорғау тапсырмасын 1 түсті маркермен орындау.

4. Оқушылардың жасына байланысты ерекшеліктерді ескермеу, не білмеу.

5. Оқушылардың дайындап келген ақпараты қызықсыз, жаттанды, сол күйінде, кейде өте үлкен көлемде, тақтада ұсақ жазумен басқа оқушыларға таныстырылады.

6. Шараны ұйымдастыру барысында  интерактивті тақта арқылы тапсырманы қосуға не т.б.  қосымша құралдарды қолдануға  алаңдау.

Компьютерге қарап тұрып, теріс сөйлеу.

Тақтадағы мәліметтердің өте ұсақ жазылуы, көрінбеуі.