Мақсаты: оқушылардың білімін одан әрі дамыту, тереңдету, ізденушілігін арттыра отырып, ой - өрісін кеңейт, тіл байлығын молайту, ауызша және жазбаша сөйлеу мәдениетінің сауаттылығын арттыру, шығармашылық қабілетін дамыту. Оқушылардың бойына адамгершілік қасиет дарыту, отанға, туған жерге, тілге деген сүйіспеншілік сезімін ояту, бірлесіп жұмыс жасауға тәрбиелеу.

Көрнекіліктер: презентация, ребус, карточкалар.
Ойынның барысы: 
Жүргізуші: 
Армысыздар оқушылар мен жанкүйерлер! 
Біле бер, қанша білсең тағы тіле,
Жетерсің мақсатыңа біле-біле,-дей келе бүгінгі 3а және 3ә сыныптары арасында өтетін «1001 мақал, 101 жұмбақ» атты ойын-сайысымызды ашық деп жариялаймыз. 
Ойынымыз жарыс түрінде өтетіндіктен, оның шарты мен қатысушылары болады. Бұл ойынға 2 сыныптан алтыоқушыдан шығады.   Ендігі кезек ойын шарттарымен таныстыру. Ойын 7айналымнан тұрады. Ендеше барша қатысушыларға сәттілік тілеп, ойынымызды бастайық.
І-айналым« Тапқыр болсаң, тауып көр» деп аталады. Мен сендерге  мақал-мәтелдің басынбастап беремін, ал сендер оның жалғасын тауып көріңдер.Әр  жауапқа 5 ұпай беріледі.  Бұл айналымда кімнің ұпайы көп болса, сол ойыншы жеңімпаз аталады.

Тіл- буынсыз, ой .....

Сөз тапқанға ..... жоқ.

Жылататын да, жұбататын да - ...

Тіл қылыштан да ...

Тіл тас жарады, тас жармаса ...

Жақсы сөз-жарым ...

Ойнап сөйлесең де, ойлап ...

Өнер алды қызыл- ...

Бәрекелді, енді келесі айналымға көшейік.
ІІ-айналымда« Ойлы болсаң, озып көр» деп аталады. Мен сендерге жұмбақ жасырамын. Ал сендер оның дұрыс жауабын анықтап, үш тілде айтыңдар.

Білімнен мол сый –асы,

Балғындардың ұясы. (мектеп, школа, school )

Білімнің дәнін тереді,

Балаға тәлім береді. (ұстаз, учитель,teacher )

Ұшымен қазық

Тор көзді жазық.

Үстіне өттім,

Асыл сөз жазып. (Дәптер, тетрадь,notebook)

Сағат сайын қағылады,

Тек мектептен табылады. (қоңырау,bell )

Бөлінгенді табыстырып,

Біріктірсе жабыстырып.

Жымдастырған жігін де,

Байқамайсың түгін де. (желім, клей,stick)

Жұқа тақтай бөлшегі,

Ұзындықтың өлшемі. (сызғыш, линейка, ruler)

Оқуыма төреші,

Тоқуыма төреші, Парақтасам байқалар,

Білімімнің өресі,

Онда және жазылған ,

Кестем де бар келесі. (күнделік, дневник, diary)

Ақыл-ойдың шырағы,

Зәулiм көктей шынары.

Биiгiне бойлаған,

Қанбайды адам құмары.  (Бiлiм, знание,)

Оқу-бiлiм аспабы,

Қоймасының бас қабы.

Бөлмесi де бiрнешеу,

Тиегi бар ашпалы.   (Портфель,bag)

Қырық екi жауынгер,                                                                     

Сапын түзеп тұрады.

Бұлдiршiндер

Қауымды ел,

Сырын терең ұғады.  (әліпби,Алфавит,alfabet)                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                           

Iлулi тұр кең алаң,

Керегiмдi мен одан.

Жазып алам көшiрiп,

Сүртем сосын өшiрiп.   (Тақта,board)

Қабат-қабат қатталған,

Асыл сөзбен апталған.

Парағы бар сөйлейтiн,

Ол қазына өлмейтiн.    (Кiтап, книга, book)

 Кім көп жұмбақ шешсе сол жеңімпаз атанады.
ІІІ-айналым «Жүйрік болсаң, шауып көр» деп аталады. Мұнда оқушылар «Қазақ тілі» сөзішығатындай ребус құрастырады.
ІV  «Кім тапқыр?» деп аталады. Мұнда оқушылар мақалдарды антонимдерментолықтырады.

ә ) Ашу...................., ақыл...................
а)............ сөз - көмір,.................... сөз - алтын.
б )............ еңбектен -....................... нан.
в )Көз ............... , қол.........................

V айналым «Кім шапшаң ?» деп аталады. Бұл айналымда 1, 3, 5, 7 санына байланысты мақал –мәтелдер айтады. Қай топ көбірек мақал айтса, сол топ жеңімпаз атанады.

VІ айналым Шашылған сөздерден мақал –мәтел құрастырады.

Ең тәтті де тіл, ең ащы да тіл,

Ең жұмсақ та тіл, ең қатты да тіл.

Тұз астың дәмін келтірсе,

Мақал сөздің мәнін келтіреді.

VІІ  айналым «Ұйқасын тап» деп аталады. Мұнда оқушылар ұйқасын табады.

Жүргізуші:
Міне енді соңғы айналым да аяқталды. Жарыс түрінде болғасын, оның міндетті түрде жеңімпазы болады. (әділқазы қорытынды сөзін айтып, «1001 мақал, 101 жұмбақ» ойынының жеңімпазын атайды). Бүгінгі ойынға қатысқан ойыншыларға, көзайым болған жанкүйерлер мен әділқазы мүшелерімізге шексіз алғысымызды білдіріп, жарқын күндерде кездескенше демекпін. Ойын-сайысымыз аяқталды деп, сіздермен қоштасамыз. Сау болыңыздар!