1-маусым Балаларды қорғау күні  Ақсу қаласы гимназиясында «Балдәурен» жазғы сауықтыру лагері балаларға есігін айқара ашты. Жазғы лагерь 2 маусым жұмыс жасайды. Лагерьде  барлығы 50 оқушы 3 мезгіл тамақпен,  түскі ұйқымен, қызықты ойын-сауық шараларымен, сауықтыру жаттығуларымен қамтылған.            Балаларды қорғау күні гимназияда жазғы лагердің ашылуы өткізіліп, балалар  ертегі кейіпкерлерімен бірге түрлі қозғалмалы ойындар ойнап, ертегілер әлеміне саяхат жасаса, қалалық паркте «Алтын күн» атты қызықты ойындар алаңы ұйымдастырылды. Балалар түрлі спорттық, танымдық, ұлттық ойындар бойынша жарысып, тәтті сыйлықтарға ие болды. Уақыттарын көңілді өткізген оқушылар өздеріне арналған мерекеге дән риза болды.

Лагерь басшысы  Жақсыбекова М.Ж