Қазақстан Республикасы тәуелсіздігінің 25 жылдығы қарсаңында өткізілген танымдық шаралардың бірі  «Туған жерім-тұғырым, өскен елім - өзегім» атты тықырыптағы таңғажайып алаңы ойыны. Ойынды кітапханашы Г.Женаева  7 сынып оқушыларымен өткізді. Қатысушылар  еліміздің тарихы мен Ақсу өңірі туралы қызықты сұрақтарға жауап бере отырып таңдалды. Ойын барысында  оқушыларға Қазақстанның тәуелсіздік жылдары  жеткен жетістіктері, Астана қаласындағы  тарихи ескерткіштер, қазақ хандары, мемлекеттік рәміздер авторлары туралы сұрақтар қойылып,  бейнефильм көрсетілді. Қатысушыларға І кезеңде -Тәуелсіз мемлекеттің ең маңызды нышандарының бірі,  ІІ кезеңде - Алматы қаласында ашылған Тәуелсіздік монументінің авторы, ІІІ кезеңде - 1990 жылы Қазақстан Жоғары Кеңесі егемендік туралы қабылдаған құжат  аты жасырылды. Оқушылар ойынға  қызығушылықпен  белсенді қатыса отырып, барлық кезеңдерден сүрінбей өтуге тырысты. Ойын нәтижесі бойынша  7ә сынып  оқушысы Искакова Томирис жеңімпаз  атанып, диплом мен шағын сыйлықтар табыс етілді. Ал  І, ІІ кезең жеңімпаздары Тельжанов Жасұзақ пен Амангелді Диас мақтау қағазымен  марапатталды.