Оқушылардың сыбайлас жемқорлыққа қарсы   мәдениетін  қалыптастыру жоспарына сәйкес  «Адал ұрпақ» клубы мүшелері 22 сәуірде  бастауыш сынып оқушылары арасында «Адал еңбек, алғыр ой - анық досың біліп қой»  атты  байқау ұйымдастырды. Оның мақсаты оқушылардың бойында еңбек етуге деген талпынысты ояту, оның маңызын ашу болатын. Байқау барысында оқушылар адал еңбек ету, еңбектің жемісін көру, қайырымдылық жасау тақырыбында  көрініс  көрсетіп, еңбек туралы мақал жарысқа қатысты.  Сондай-ақ, «Адал еңбек-өмірдің мәні» тақырыбында жазған үздік шығармаларын оқыды. Оқушылар  қойған көріністерінде бір-біріне көмек беру, қайырымдылық жасау, ата-ана еңбегін бағалау, еңбек етіп табыс табу тақырыптарын тамаша аша білді. Ал мақал жарыста ең үздік болып 3 «ә» сынып оқушысы Абылай Әділет атанды. Әділ-қазылар жеңімпаз сыныптар мен жекелей оқушыларды дипломмен марапаттады.