23-28.01.2017 ж. гимназияда «Үштіліділік – жарқын болашақ кепілі» апталығы өткізілді. Апталық аясында 8-10 сыныптармен  көптілділік олимпиада,  5-8 сыныптар арасында «Өз тілің – бірлік үшін, өзге тіл – тірлік үшін» шығармалар байқауы, «Әлем тізгіні- білімділер қолында» интеллектуалдық ойын өтті.

Бастауыш сынып оқушыларымен «Үш тілдің патшалығы» тақырыбында ертеңгілік болды. Апталық барысында  «Үш тілде оқыту экспериментінің талаптарына бейімделу жағдайы» атты педконсилиум, «Үштілді білім беру: ізденіс, проблемалар және даму болашағы» атты облыстық семинар өткізілді. Семинарға облыстық мамандандырылған мектептердің, Ақсу қаласының мектептерінің  мұғалімдері мен оқу ісінің меңгерушілері қатысты.  Семинар барысында ағылшын тілінде биология пәнінен (мұғалімі Муханова У.К.), физика пәнінен (мұғалімі Кабылбекова А.С.), химия пәнінен (мұғалімі Абраева Д.Е.) ашық сабақтар,  информатика мен ағылшын тілі пәндерінен (мұғалімі Абылгазина Э.Т, Сыздыкова М.К.) кіріктірілген сабақ көрсетілді.  «Ғасыр ақыны - Мұқағали» тақырыбында үш тілде әдеби-сазды кеш,  «Заман талабына сай білім беру бағыттарының тиімділігі»  атты  коучинг өтті. Семинар өте мазмұнды, жоғары деңгейде өтті, келген ұстаздар үлкен әсер алды.