Республикалық   «Денсаулық апталығы»  аясында мектепішілік апталық ұйымдастырылды. 5-6 сыныптар арасында пионербол , 7-8 сыныптар арасында «Алтын доп» футбол жарысы , 8-11 сыныптар арасында баскетбол жарыстары өтті. Барлығы 78 оқушы қамтылды. Оқушылардың олимпиада жұлдыздарының жетістіктері мен спорт жайлы білімдерін тереңдету мақсатында  5-7 сыныптар арасында  «Олимпиадалық викторина» өткізілді. Викторинада «Қазақстанның толағай табыстары», «Біздің жұлдыздар»,  « Олимпиадалық рекордтар»  атты  бөлімдерде оқушылар  сайысып,      1-2 сыныптарда  «Дәрумендер сыр шертеді», 3-4 сыныптарда  «Қауіпсіз және тиімді тамақтану» интерактивті сабақтары  өткізіліп, оқушыларға тиімді тамақтанудың  денсаулық және білім алудағы маңызы,  жолдары  көрсетіліп, түсіндірілді. 5-8 сынып оқушыларынан  СӨС және денсауылыққа деген жалпы көзқарасын анықтау мақсатында сауалнама алынды. Сауалнама қортындысы бойынша зиянды әдеттер бойынша ақпараттану деңгейі 90 %, салауатты өмірге дұрыс  көзқарасы 78 %, өз уақытын тиімді пайдалану деңгейі 65 % құрады. 

Апта бойы оқушылар таңертеңгілік жаттығуды спорт алаңында,таза ауада  орындады. 8-қыркүйек  Денсаулық фестивалі мектепішілік жаппай би  флешмобынан басталды. Барлығы 360 оқушы қатысты. Бастауыш сынып оқушылары арасында қозғалмалы ойындар, көңілді сөре сайыстары қызықты өткізілді.1-2 сынып жарыстары ата-аналардың қатысуымен өткізілді. Қалалық «Достық» стадионында 5-11 сыныптар арасында жеңіл атлетикадан 500,800,1000 м-ге жарыстар, шведтік эстафета сайысы өткізіліп, оған 180 оқушы қатысты. Қалалық марафон жарысына 25 ұстаз, «Әкем, шешем және мен - спорттық жанұя» атты қалалық сайысқа Оразымбетовтар отбасы қатысып ІІІ орынды иеленді. Ең алғашқы рет Ақсу қаласы бойынша, әлемдік жасөспірімдер жарыстарында өткізіліп жүрген, Шведтік эстафета  жарысы өткізіліп (1х400,2х300,3х200,4х100м) жеке рекордтар қойылды.

Денсаулық фестивалінің қортындысы бойынша жүлделі орындарға ие болған  оқушылар мен ұстаздар мектеп әкімшілігі тарапынан медальдармен, мақтау қағазымен марапатталды.