Ақпаның 5-сінен 12-ші жұлдызына дейін оқушылардың 51-ші Халықаралық Менделеев олимпиадасы аясында білім алушылардың танымдық және шығармашылық белсенділігін дамыту үшін гимназияда химия апталығы өтті.  Апталық барысында әр түрлі іс-шаралар өтті. Оқушылар химияға деген қызығушылықтарын көрсетіп, белсене қатысты. Химия апталығының ашылу рәсімінде оқушылар «Химия саласындағы 100 ұлы жаңалық» тақырыбындағы ғылыми танымдық фильмді көріп талқылады. Ақпаның 6-шы жұлдызында 8-11 сыныптар арасында ең үздік постер мен презентация байқауы, сыгныптан тыс іс-шаралар және ашық сабақтар өтті. Химия апталығының жабылу рәсімінде 8-11сынып оқушыларына арналған «Біз нашақорлыққа қарсымыз» тақырыбында конференция өтті. Сайыстарда орын алған және белсенді қатысқан оқушылар марапатталды.