Мағзумова Айшабибі «Сөздік қорды жаттықтырудағы әріп жұмбақтардың маңызы» (ақын Ескен Елубай әріпжұмбақтары негізінде) тақырыбы бойынша, облыстық «Зерде» (2012 ж.) жас зертеушілер жұмыстары мен шығармашылық жобаларының сайысына қатысып, «Тілдарын» номинациясына ие болды. 2013 жылы «XIII Сәтбаев оқулары» халықаралық ғылыми конференциясында Алғыс хатпен марапатталды.

Мен, Галиева Камила 8-сынып оқушысы, 2012 жылы 29 наурызында Солтүстік аймақтық колледж білім алушылары мен мектеп оқушылары арасында Көкшетау қаласында өткен, әйгілі ақын, композитор Ақан серінің 170 жылдығына орай «Ұлттық өнердің өткен кезеңі мен заманауи болашағы» атты республикалық ғылыми жұмыстар байқауына қатысып, ІІ дәрежелі дипломмен марапатталдым.

Мен, Сатпекова Алемгуль, 11-сынып оқушысы, қазақ тілінің дамуына үлкен үлес қосуды армандайтын жандардың бірімін. Республикалық, облыстық шығармалар сайыстарына қатысып отырамын. Иманжүсіп Құтпанұлының 300 жылдығына арналған “Тәуелсіздік жолындағы күрескер” атты аймақтық ғылыми жоба сайысына қатысып, 1-орынды иелендім.

Мен, Михайленко Юлия, ұлтым орыс болса да, жүрегім қазақ деп соғатын адамның бірімін. Ақсу қаласы гимназияның 2013 жылы түлегімін, «Алтын белгі» иегерімін. Гимназияда 1-сыныптан бастап 11-сыныпқа дейін оқыдым. Өз білімімнің жемісін, тілге деген құрметімді әр түрлі сайыстарға қатысу барысында дәлелдеп келемін.

Мен, Мұхитов Қасымхан, Ақсу қаласы гимназияның 2013 жылы түлегімін, «Алтын белгі» иегерімін. Гимназияда 1-сыныптан бастап 11-сыныпқа дейін оқыдым. 2012 жылы мамыр айында Қазақ педагогикасының жарық жұлдызы, аты аңызға айналған біртума тұлға, саналы өмірін шәкірт тәрбиелеуге арнап, ана тілінің құдіретін ұрпақ тәрбиесіне сіңіріп келе жатқан әйгілі ұстаз Қанипа Омарғалиқызы Бітібаева атына өткізілген қазақ тілі мен әдебиетінен Халықаралық олимпиадаға қатысып, жүлделі екінші орынды иелендім.