1-жүрг:Армысыздар  құрметті ұстаздар, ата-аналар, ата-әжелер,оқушылар, қонақтар

2-жүрг: Ұлыстың ұлы күні қарсаңында тойланып отырған Қымызфест» мерекесіне қош келдіңіздер.Дәстүрімізді жаңғыртып, ұрпақ жадында қайта жаңғырту, қайтадан ортамызға әкелу, бүгінгі күннің басты мақсаты деуге болады. Ендеше бүгін барлығымыз қымызды насихаттау мерекесіне жиналып отырмыз.

Шілік біткен бүрленіп,

Дала әсем түрге еніп.

Масайрады бар әлем,

Құтты жаңа жыл келіп.

Басы барлық ұлы істің,

Басы барлық ырыстың.

Құтты болсын наурыз той,

Ұлы күні ұлыстың.

1-жүрг: Уа, халайық тұрмайық,

             Әндетейік, жырлайық,

             Ортамызды ашайық,

             Думандатып би билеп

             Інжу-маржан шашайық

Бүгінгі қымыз мерекесін қаражорға биінен бастайық. 6 а сыныптың орындауындағы тамаша биді қарсы алыңыздар

ҚАРАЖОРҒА БИІ

2-жүрг: Ертеден келе жатқан дәстүр бойынша қазақ халқы, өте қонақжай халық. Дастарханы мал өнімдері мен сүт өнімдерімен көмкерілген. Төрт түлік малдың сүтінен әр түрлі тәтті, дәмді тағамдар әзірлеп, дастархан байлығын арттыра түскен.

1-жүрг: Халқымыздың дәстүрі мен салты– ғұмыр бойы жинақталған тәжірибелердің қорытындысы. Көшпелі елдің барлық тіршілік болмысы табиғатпен біте қайнасып отырады.

2-жүрг: Жер көктеп, жайлауға шыққан жұртшылық бие байлап, қымыз ашытып, бүкіл ауыл болып тойлайды. Бие сауылып, саба қымызға толған сәтте алғашқы сусыннан барша жұртшылық ауыз тиіп, бұл жиын мерекеге ұласатын.

Ән 10 сынып

1-жүрг:Жылқы ерекше есті мал. Ол адамзат тұрмысы мен  өндірісіне біте қайнасып, ғасырлар бойы бірге жасап келе жатқан киелі жануар.

2-жүрг: Ауыз әдебиетінде құлын тайға жеткізер, тай құнанға жеткізер, құнан атқа жеткізер, ал ат мұратқа жеткізер деп тегін айтпаған.  Жылқының ерекше қасиеттері үшін , шипалы қымызы үшін  ерекше құрметтеген.

1-жүрг:Биенің сүтінен дайындалатын, денсаулыққа шипалы әрі жұғымды сусын туралы 9 ә сынып оқушылары толығырақ айтып өтеді.

9 ә сынып көрінісі

2-жүрг: Кең болсын қазағымның керегесі,

             Кетпесін Алла берген берекесі,

             Алаштың баласына нәсіп болған,

             Құтты болсын НАУРЫЗ мерекесі

1-жүрг:Наурыз тойы тамаша,

               Наурыз тойы жаңаша.

               Табиғат та тамаша,

               Тамылжып тұр жараса.

               Наурыз тойы салтанат,

               Наурыз тойы мархабат.

               Әр жүректен ән тарап,

               Шаттанады шартарап.

6ә сынып оқушыларын тамаша әнімен ортаға шақырамыз

ӘН 6 ә сынып

2-жүрг:  Қымыз – биенің сүтінен дайындалатын денсаулыққа шипалы әрі жұғымды сусын. Халқымыздың ұлттық тағамдарының ішіндегі ең құрметті, дастарқан дәмінің бірі. «Сары қымыз дертке шипа, денеге күш»,  «Қымыз – ауруға ем, сауға қуат»  деп ата-бабаларымыз тегін айтпаған.

1-жүрг: Ендеше қымыздың емдік қасиеттерін өздеріңізге таныстыру үшін  8 а сынып  оқушыларын ортаға шақырамыз

8 а сынып Қымыз туралы таныстырылым

2-жүрг: Кең даланың ежелгі,

               Қазақ дейтін халқымыз.

               Өзге ұлттай біздің де,

               Бар дәстүр мен салтымыз.

1-жүрг:5- сынып оқушыларын ортаға мерекелік биімен  шақырамыз. Қарсы алыңыздар

БИ 5 сынып

2-жүрг: Кез-келген мереке,той-думан   ұлттық ойындарсыз өтпеген. Ойын  арқылы халқымыздың тарихын, мәдениетін, дәстүрін біліп, ойға тоқыған.

1-жүрг: Ал қазір  барлығымыз белсене қатыса отырып, ойындар ойнайық

ҰЛТТЫҚ ОЙЫНДАР

2-жүрг:Наурыз тойын жұп жазбай

               Қошеметпен қарсы алайық.

              Досқа құшақ ашайық.

              Өлең-жырға басайық.

              Қазақтың бір салты деп

              Тойға әннен шашу шашайық.

7- сыныптың орындауындағы халық әнін қабыл алыңыздар

 7- сынып

1-жүрг:  Тамаша. Әсем әндеріңе рақмет.Келесі жұмбақ шешу кезеңі . Мен жұмбақ жасырамын,ал сідер жауабын айтасыздар. Дайын болсақ,бастайық

Жердің жүзін шарлайсың

Онсыз еш жерге бармайсың

Көлікпен де, жаяу да

Саралайсың, таңдайсың.         Жол

 Көп болса алыстайсың

 мезетпен қашықтайсың

 Асықсаң аз болады

 Табасың мұны қайсысың?             Уақыт

Екі доп ауысты,

Бір шеңберді тауысты.    /Күн, Ай, Тәулік/

Айуан екі аяқты, асқан батыр,

Басына о батырдың тіккен шатыр.

Шешерсің дана болсаң бұны біліп,

 Кел-кел деп, қан майданға шығысқанда,

 Бір айла адамзатта болып жатыр.                 Бүркіт

Қос алып көз –

Бірі жарықта көреді,

Бірі қараңғыда көреді.                   /Күн мен Ай/

Біз, біз, біз едік,

Отыз арба қыз едік,

Бір тақтайға жиналдық,

Таң атқанда жоқ болдық.                       Жұлдыз
 

Қар мұз еріп, су көбейіп,

Сай салаға толады.

Бүршік жарып, жарық ашып,

Гүл бәйшешек басады.

Бұл қай кезде болады?                       (Көктем)

2-жүрг: Халқымыздыңауыз әдебиетінде, ежелден қалыптасқан поэзиялық жанр, топ алдында қолма-қол суырып салып айтылатын сөз сайысы- айтыс. Көшпелі елдің қызық-қуанышын бөлісіп келген ,көпшілік алдында сөз сайысына түскен екі ақынның жеңіске жету жолындағы тапқырлықтары мен алғырлықтарына куә болған.

1-жүрг:Меруерт екеуіміз айтысып көрсек қалай болады?

2-жүрг:Көрсек көрейік

1-жүрг:

Қарасам қыздар айтып біздерге сын

Түрткі боп оянуда сол намысым

Қыздарға айтарым бар ренжімеңдер

Біздер жайлы асырып жібердің тым

Біз жігіттер қолға найза ұстағанбыз

Басқа емес тек исламды ұстанамыз

Бәріне тек намыспен тырысамыз

Әрқашан қайраулы боп ұстарамыз

2-жүрг:

Кей жігіт іс қылғанда құр тілімен,

Кей қыздар қылымсиды кірпігімен.

Осылайша "апама жездем сай" боп,

"Жамаулар" әуре болар "жыртығымен

1-жүрг:Тамаша шықты деп ойлаймын. Ендеше ортаға 8 ә сынып оқушыларын Наурыз айтыспен шақырамын.

8 ә сынып Айтыс

 2-жүрг:   Шыға келді сыланып сылаң келер,

                 Қияңдағы қиылды қыранға ерлер.

                Қызғалдақты кешіп жүр қыр астында

                 Мың бұрала жүгірген бұраң белдер. 

                9 а сыныптың бишілерін қарсы алайық.

9а сынып би

1-жүрг:

 Ұлы күнде халайық

 Қалай қарап қалайық

 Сәйгүліктей ағайық,

 Жасын болып жанайық

Ортамызға шықырып,

 Бабамыздың Қыдырдай

Ақ батасын алайық

Қазақ бар ма, салт-дәстүрсіз, батасыз

Топтар айтқан, сөздерге құлақ саласыз

Кезек келді, ақ пейілді батаға

Сол сөздерден, зор ғибрат табасыз.