6 ақпан күні  Ақсу қаласы дарынды балаларға арнлған мамандандырылған гимназияда Бұһар Жырау атындағы әдебиет және өнер мұражайының ұйымдастыруымен ҚР жазушылар одағының мүшесі,ақын  Шолпан Байғалымен кездесу өтті. Кездесу барысында ақын өзінің  әдебиеттегі ақындық жолы мен  поэзиясына ерекше тоқталып, оқушыларды өлеңдерімен сусындатты.

Осы кездесу аясында Бұһар жырау музейі  құнды «Жәдігерлер сыр шертеді» атты  көрмесін ұйымдастырды. Көрмеге қойылған  заттар арқылы келген қонақтарды жергілікті ақын -жазушылардың өмірімен таныстырып өтті.

Гимназияның шығармашыл,ақындыққа жаны құмар жастары облысымызға танымал жас ақындармен кездесіп, ой бөлісті. Дөңгелек стол барысында жас ақындарымыз  М.Мақатаевтың шығармашылығынан өлеңдер оқып, прозаға бойлады. Кездесу барысында   тамаша әндер шырқалып, күй шертілді. Гимназия оқушылары да мектепішілік өткен Мақатаев оқуларына дайындаған бірқатар өлеңдерін,өз жанынан шығарған туындыларын  ақындар алдында оқып берді.Жазушы Шолпан Байғалымен, жас ақындармен кездесу гимназия оқушыларының шығармашылығын шыңдап, өнер мен әдебиеткедеген қызығушылығын оята білді.Осындай сүбелі шаралар қазақ тілінің, қазақ әдебиетінің мерейін арттырары анық.