Құрметті ата-аналар! 5 маусымнан бастап мектеп жанындағы сауықтыру лагері мен бағдарлы лагерь өз жұмысын бастайды. Лагерьде оқушыларды түрлі мәдени-танымдық, спорттық ойындар, сауық шаралары, танымжорықтар мен шеберлік сабақтары,сондай-ақ түрлі бағыттағы сайыстарға , олимпиадаларға, жобаларға дайындық күтуде. Барлық ақпаратты сынып жетекшілер арқылы және гимназияның жұмыс телефондары арқылы білуге болады: т.4-90-07 Жазғы демалысты қызықты, әрі пайдалы өткізейік.

Республикалық кешенді олимпиадада 6 сынып оқушысы Алпысбай Айару 2 орынды иеленді. Айару, жарайсың! Республикадан орын әкелемін деп уәде беріп едің. Уәдеңде тұрдың. Өркенің өссін! Жетекшісі Ақмарал Еркенқызын тағы бір жеңісімен құттықтаймыз!

“Менің мектебім БУЛЛИНГКЕ қарсы” республикалық флешмобына гимназия оқушылары белсенді қатысты.

"ProEco" конкурсының Республикалық кезеңінде 6ә-сынып оқушылары Абраева Алуа, Кайрулла Асылай Құрмет грамотасымен марапатталды. Жетекшісі Смагулова Гүлдана Сейфоллаевна.

"ProEco" конкурсының облыстық кезеңінің қорытындысы: ▫️Абраева Алуа, Қайролла Асылай- І орын; ▫️Алпысбай Айару -І орын; ▫️ Амангелді Назира, Ермек Сабина -ІІ орын; ▫️ Мухаметгалиева Сания -ІІІ орын; ▫️ Мырзагумаров Ерасыл - ІІІ орын. Жетекшілері: Гүлдана Сейфуллаевна, Алтын Сериковна, Назигуль Тусуповна.

Құқық онкүндігі аясында 15 мамыр Бірыңғай құқықтық тәрбие сағаттары ұйымдастырылды. “Күш көрсетпей қарым-қатынас жасаудың ережесі”, “Заңды бұзу бұл…”, “Жасөспірімдер арасындағы Буллингті қалай тоқтатуға болады?” тақырыбына арналды. Оқушылар түрлі жағдаяттарды талдай отырып,дұрыс қарым-қатынас жасауға үйренді, жағымды әрі адал достықты қалыптастыру, сыйластықтың маңыздылығы туралы ой бөлісіп, құқықбұзушылықтың салдары мен жазалау түрлері туралы заң тармақтарына шолу жасады.

Құқық апталығы жоспары негізінде “Жасөспірімдер арасында булингті қалай тоқтатуға болады” тақырыбында 8 а және 8 ә сыныптар арасында пікірталас өткізілді. Сайысқа 2 топ қатысты. ІІІ кезеңнен тұратын сайыста: 1 кезең фактілер, дәйек сөздің мағынасын ашу; 2 кезең булингке қатысты жағдаяттарды талдау және шешім қабылдау; 3 кезеңде оқушылар сұрактарға жауап берді. Пікірсайыс нәтижесінде 8”А” сынып командасы жеңіске жетті.Оқушыларға дебат қатысушылары төрелік жасады.

Құқық онкүндігі аясында Ақсу қаласы прокуратурасы қылмыстық қудалау бөлімінің прокуроры К.Т.Байболатовпен “Жасөспірімдер арасында құқықбұзушылықтың алдын алу” тақырыбында кездесу ұйымдастырылды. Кездесу барысында 14, 16 жасқа толған жасөспірімдердің әкімшілік, қылмыстық жауапкершілігі, қоғамдық орындардағы тәртіпті сақтаудың маңыздылығы түсіндірілді.

2023-2024 оқу жылына конкурс нәтижесі бойынша 5-сыныпқа қабылданған оқушылар тізімі.

Отбасы күніне орай бастауыш сынып оқушылары “Менің отбасым - менің мақтанышым” тақырыбында асфальтта сурет салды.

Құқық онкүндігі аясында 5-7 сынып оқушыларымен Кәмелетке толмағандар ісі жөніндегі инспектор Адилхан Бексолтан “Құқығын білген ұтылмас” атты тақырыптық кездесу өткізілді. Кездесу барысында қоғамдық орындардағы тәртіп бұзушылық, қылмыс пен тәртіпбұзушылық үшін жауапкершілік пен ата-анаға салынатын айыппұл туралы түсіндіріп өтті.

Республикалық Мәшһүр Жүсіп оқуларында Махсатхан Қымбат 2 орынды иеленді. Мұғалімі Акмарал Еркеновна мен Кымбатты кезекті жеңістерімен құттықтаймыз!