Гимназияның жылдық жоспарына сай Жаратылыстану-математикалық пәндерді үштілде оқыту ӘБ апталығы басталды. Ашылу салтанатында оқушылар ағылшын тілінде сұрақтарға жауап беріп, сондай-ақ оқушылардың STEM-әдістемесі бойынша сабақтарда және сабақтан тыс құрастырған бұйымдарымен танысып,тамашалады. 18.04-22.04.22 аралығында өтетін бұл шарада облыс мектептерінің ұстаздарына ашық сабақтар, мастер-класс өткізу жоспарланған.

Қазақ тілі мен әдебиетінен академик, Қазақстан Республикасының еңбек сіңірген мұғалімі, «Құрмет» орденінің иегері Қ. Бітібаева атындағы республикалық олимпиаданың облыстық кезеңінде 11-сыныптың оқушысы Жанибек Жансая 1-орынға ие болды. Айта кетсек, Жансая, 2021 жылы республикалық пән олимпиадасында Қола медальді иеленді. Енді 2022 жылғы 18-23 сәуір аралығында өтетін аталмыш олимпиадаға қатысқалы тұр. Сәттілік тілейміз!

Ертіс дарынының қолдауымен Торайғыров университеті 15 сәуір облыстық көптілділік олимпиадасын ұйымдастырды. Нәтижесінде 11-сынып оқушысы Шакбекова Даяна мен 9-сынып оқушысы Амангелді Нұрәділ 1 орынға ие болды. Сонымен қатар, 2022 жылы 18-23 сәуір аралығында өтетін республикалық пән олимпиадасына Шакбекова Даяна қатысады. Сәттілік тілейміз! Ұстаздары мен оқушыларын жеңістерімен құттықтаймыз.

Гимназиямызда Қаныш Имантайұлы Сәтбаевтың туған күні қарсаңында дәстүрлі «Сәтбаев апталығы» өтті. Апталық аясында танымдық, зияткерлік, ғылыи және спорттық бағыттағы шаралар ұйымдастырылды. 5-7 сыныптар арасында «ХХІ ғасыр эрудиттері» танымдық ойыны ұйымдастырылды. Балаларға ойын алдында Қ. Сәтбаевтың өмірі мен еңбек жолы, халқына қалдырған мұрасы туралы фильмдер көрсетілді. Ойын бірнеше турдан тұрды.

Павлодар педагогикалық университетінде 2022 жылғы 7 сәуірде он алты жалпы білім беретін пәндер бойынша 9-11 сынып оқушылары арасындағы республикалық олимпиаданың облыстық турының нәтижелері бойынша ректордың гранттарын тапсыру рәсімі өтті. Гимназиямыздың 11-сынып оқушысы Шакбекова Даяна ППУ-нің грантына ие болды. Даяна - ағылшын тілі пәнінен облыстық, республикалық пән олимпиадасының жеңімпазы.

2022 жылғы 5 сәуірде дарынды ер балаларға арналған «Білім-Инновация» лицей-интернатында республикалық «Мәшһүр-Жүсіп оқуларының» облыстық кезеңі өткізілді. Байқаудың қорытындысы бойынша гимназияның 11-сынып оқушысы Жанибек Жансая "Білімді зерек адам болам!-десең..." бағытында 3-орынға ие болды. Жетекшісі Дария Амантаевна мен Жансаяны кезекті жеңісімен құттықтаймыз. Жетекшісі Дария Амантаевна мен Жансаяны кезекті жеңісімен құттықтаймыз.

31.03 күні 11-сыныптың ата-аналарымен мектепішілік ата-аналар жиналысы өткізілді. Жиналыс барысында сынып жетекші Абылгазина Э.Т. 3-тоқсанның қорытындысы және оқушылардың ҰБТ-ға дайындығы туралы сөз сөйледі, директордың оқу ісінің орынбасары Джамалбаева С.С. қорытынды мемлекеттік емтихан және ҰБТ формасы, өткізу ретімен таныстырды, мектеп психологы Шаймарданова Н.Т. ҰБТ-ге дайындық кезінде ата-аналар ескеретін жағдайлар туралы айтты.

2022 жылғы 24-29 наурызда 9-11 сынып оқушылары арасында 16 пән бойынша облыстық пән олимпиадасы өтті. Олимпиада жүлдегерлері: қазақ тілі мен әдебиеті пәнінен Жанибек Жансая, Каиржанова Аида, ағылшын тілі пәнінен Шакбекова Даяна 1 орынға, қазақ тілі мен әдебиеті пәнінен Сайыпова Әсем, ағылшын тілі пәнінен Амангелді Нұрәділ, өзін-өзі тану пәнінен Партия Арайлым 2 орынға, өзін-өзі тану пәнінен Куандық Аружан 3 орынға ие болды. Құттықтаймыз!

2022 жылғы 18 наурызда облыстық көп салалы дарынды балаларға арналған лицей-интернатында 8-11 сынып оқушылары арасындағы облыстық «Әбіш оқулары» байқауы өткізілді. Байқаудың қорытындысы бойынша Иллюстрациялық сурет бағытынды 10-сынып оқушысы Ералиева Рауан ІІ орынға ие болды. Жетекшісі Солтан Гульжазира Кабдылкаримовна. Құттықтаймыз!

"Ақсу қаласының дарынды балаларға арналған мамандандырылған гимназиясы" ММ 2022-2023 оқу жылына 5-сынып оқушыларын конкурс негізінде қабылдайды. Тіркеуді qabyldau.daryn.kz сайтында не мектепте 01.03.2022-01.04.2022 аралығында өте алады. Қажетті құжаттар: Өтініш үлгі бойынша; Туу туралы куәлік, ЖСН; Оқу орнынан электрондық мекенжайы мен фотосы бар анықтама; 3/4 фотосурет, 2 дана. Конкурстық іріктеу: 15-30 сәуір аралығында. Тестілеу: оффлайн түрінде өтеді.

2 наурыз күні бастауыш сынып мұғалімдері М.С.Елубаева мен М.Ж.Жаксыбекова Май ауданының бастауыш сынып мұғалімдеріне және оқу ісінің меңгерушілеріне "Сабақты зерттеу тәсілінің көмегімен мұғалімнің кәсіби тұрғыдан дамуы" тақырыбында коучинг өткізді. Коучинг барысында бірлесе зерттеу сабағының жоспарын құру,пікірталас, тест орындау әрекеттері орындалды. Зерттеу сабағын өткізуге байланысты туындаған сұрақтарға директордың ғылым жөніндегі орынбасары К.М.Аккентаева жауап беріп,тәжірибемен бөлісті.

22-ақпан 2022 жылы Павлодар облысының білім беруді дамытудың инновациялық орталығының қолдауымен «Интербелсенді әдістер- тілдік құзіреттілікті арттыру құралы» тақырыбында облыстық семинар өткізілді. Семинар барысында гимназияның ұстаздары Кабылбекова А.С., Атик Б.В. және Абылгазина Э.Т. өз тәжірибелерімен бөлісті.