Оқу жылының басталуымен қатар Ақсу қаласы полициясы,тергеу бөлімінің бас тергеушісі Байболат Кәкім, оқушылардың құқықтық сауаттылығын арттыру мақсатында, құқықтарды қорғауға бағытталған заңнамадағы негізгі өзгерістер, қылмыстық жауапкершіліктің басталу жасы, есірткі құралдарын тұтынудың денсаулыққа зиянды әсері туралы, сондай-ақ қылмыстың құрбанына айналмау және өз құқықтарын қорғауға қайда жүгінуге болатыны туралы дәріс оқыды.

Гимназияның бастауыш сынып мұғалімі Елубаева Мария Сейсеновна мен тарих пәнінің мұғалімі Идрисова Іңкәр Нышановна облыстық білім беру басқармасының марапатына ие болды. Құттықтаймыз! Еңбектеріңізге табыс, шығармашыл шәкірттер тілейміз!

2022-2023 оқу жылының басталуына арналған 1 қыркүйек – Білім күнін және «Терең білім, еңбекқорлық және отаншылдық қасиет» тақырыбында бірыңғай сынып сағатын өткізу ТҰЖЫРЫМДАМАСЫ

14-16 тамыз аралығында ұлы ақынның туған жерінде өткен республикалық Абай оқуларында гимназияның 11-сынып оқушысы орынды иеленді. Айта кетсек, Асем республикалық пән олимпиадасының облыстық кезеңінде қазақ тілі мен әдебиеті пәнінен 2-орын ингері. Республикалық Қанипа Бітібаева атындағы олимпиада қатысушысы. Жетекшісі жоғары санатты қазақ тілі мен әдебиетінің мұғалімі Акмарал Еркеновна мен Әсемді жеңістерімен құттықтаймыз.

Ақсу қалаласының дарынды балаларға арналған мамандандырылған гимназиясы ҚР Білім және ғылым министрінің 19.11.2021 № 568 бұйрығының "Мемлекеттік білім беру ұйымдарының бірінші басшылары мен педагогтерін лауазымға тағайындау, лауазымнан босату қағидалары" негізінде келесі мамандықтар бойынша ПЕДАГОГТЕРДІ ҚАБЫЛДАУҒА КОНКУРС жариялайды. - математика пәнінің мұғалімі - 1 (1 жүктеме: уақытша бос лауазым ); - Технология(ұлдар) пәнінің мұғалімі -12сағат; - ән-күй пәнінің мұғалімі - 12 сағат( уақытша б

«Дарын» республикалық ғылыми-практикалық орталығы 2022 жылғы 3-6 мамыр күндері Қ. Бітібаева атындағы қазақ тілі мен әдебиетінен республикалық олимпиадасы өтті. Олимпиада қорытындысы бойынша Қол жеткізген ерекше жетістіктері үшін «Дарын» республикалық ғылыми-практикалық орталығының грамотасымен Жанибек Жансая және Қ. Бітібаеваның туыстары тағайындаған ақшалай сыйақымен Каиржанова Аида марапатталды. Құттықтаймыз!

Павлодар педагогикалық университетінің ұйымдастыруымен ректор грантына арналған оқушылардың облыстық пән олимпиадасы өткізілді. Білім бәсекесінің қорытындысы бойынша 11-сынып оқушысы Жанибек Жансая ректорының грантын жеңіп алды. Жансаяны және оның жетекшісі Нургалиева Дария Амантаевнаны құттықтаймыз!

"Оқуға құштар мектеп" жобасы аясында Ақсу қалалық білім беру бөлімінің ұйымдастыруымен "Кітап - біздің досымыз" атты READx оқу конференциясы өткізілді. Конференцияға қатысқан 5ә сынып оқушысы Ұзақбай Мөлдір Тынымбай Нұрмағанбетовтың "Анасын сағынған бала" атты шығармасымен таныстырып, кітап оқуға шақырды. Оқу конференциясының қортындысы бойынша Мөлдір 3 жүлделі орынға ие болып, білім бөлімінің мадақтамасымен марапатталды.

Оқушылардың өздігінен ойлау және танымдық қабілетін дамыту мақсатында 26 сәуір күні 5-сыныптар арасында «Жұлдызды сәт» интеллектуалдық сайысы өткізілді. Сайыс «Ойлы болсаң, озып көр», «Сандар сыр шертеді», «Мақал – сөздің мәйегі» және «Құпия сандық» атты 4 кезеңнен тұрды. Тартысты ойын нәтижесінде 5 «б» сынып оқушылары жеңіске жетті.

Гуманитарлық пәндер апталығы аясында 6-7 сыныптар арасында "Жүзден жүйрік" интеллектуалдық ойыны ұйымдастырылды. Ойын "Тұлғаны тап", "Сандар сыр шертеді", "Тарихи домино" атты үш айналымнан тұрды. Бірінші айналымда оқушылар аудио,бейне сұрақтар арқылы тарихи тұлғаларды анықтаса, екінші айналымда ұлт-азаттық көтерілістің жылдары мен жетекшілерін, ел басқарған хандар мен билік құрған кезеңін сәйкестендірді.

25-29.04 аралығында «Тарихта терең ізі бар...» атты гуманитарлық пәндер бірлестігінің апталығы ұйымдастырылуда. Жоспар бойынша апталықтың ашылуы үстіміздегі жылғы мерейгерлерге арналды. Алғашқы күн «Ұлт ұстазы», «Жазушылар», «Батырлар» ауылы тақырыбына арналып, Кенесары Қасымұлы, Ахмет Байтұрсынұлы, Мұхтар Әуезов сияқты тұлғалардың өмірі мен шығармашылығына арнап дайындалған сұрақтар төңірегінде оқушылар жауап берді.

Республикалық пән олимпиадасының қорытындысы бойынша 11-сынып оқушысы Шакбекова Даяна ағылшын тілі пәнінен Қола медальға ие болды. Даянаны бірнеше жылдар бойы түрлі білім додаларына дайындаған ұстазы Салтанат Еркиновнаны оқушысының жеңісімен құттықтаймыз. Жарайсың, Даяна! Біз сені мақтан тұтамыз. Енді мемлекеттік емтихан мен ҰБТ сәттілік тілейміз.