11.02.2014-12.02.2014 күндері қазақ тілі пәні бойынша мұғалімдерге арналған қазақстандық интернет олимпиадасы өткізілді. Олимпиада қорытындысы бойынша қазақ тілі мен әдебиеті пәнінің мұғалімі Дүйсембаев Әскербек Құлтайұлы ІІ орынға ие болды. Әскербек Құлтайұлын құттықтаймыз!

Алматы қаласында өтетін Республикалық ғылыми жоба сайысына гимназиядан 11-сынып оқушысы Сатпекова Алемгуль, 10-сынып оқушысы Қайыржанова Адия, 9-сынып оқушылары Ермек Әділет, Қабылбекова Айым, Турапекова Айым қатысады. Республикалық сайыста оқушыларымызға сәттілік тілейміз!

15-ақпан күні гимназияда оқушыларды марапаттау рәсімі өтті. Гимназия әкімшілігі облыстық деңгейде орын алған оқушыларды бағалы сыйлықпен, Республикалық «Ақбота-2013» интеллектуалдық марафонның және Халықаралық "Русский медвежонок" интеллектуалдық сайысының жеңімпаздарын дипломдармен марапаттады. КИО ұйымдастырушыларынан «Күз-Қыз–2013» жеңімпаздарына бағалы сыйлықтар табыс етілді.

14.02.2014 Республикалық «Жарқын болашақ» олимпиадасының облыстық кезеңінде 8-сынып оқушысы Мажинова Эльмира «Ғылыми жоба» бағыты бойынша ІІІ орынға ие болды. Жетекшісі Еңлік Ғазизқызын және Эльмираны құттықтаймыз!

6.02.2014 информатика пәнінен КИО өтті. Олимпиада қорытындысы бойынша 6-сынып оқушысы Абай Асхат, 7-сынып оқушысы Сейтахмет Еділ, 8-сынып оқушылары Медетов Батырхан – ІІ-орынға, Жанкушуков Аманат – ІІІ-орынға ие болды. Оқушыларды жеңістерімен құттықтаймыз!

6.02.2014 ИнЕУ-де "Инновациялық Павлодар - 2014" атты жобалар сайысы өтті. Сайысқа қатысқан оқушылар: Успанова Айгерім /10-сынып/, Асқарбек Әділ /9-сынып/, Кунакбаев Саду /8-сынып/- сертификатқа және конференцияға қатысу жолдамасына ие болды. 11-сынып оқушысы Тлеумов Даниял 1-наурызда өткізілетін ІІ турға өтті. Даниялға сәттілік тілейміз!

5 ақпан күні облыстық мамандандырылған әскери мектеп-интернатында Ауғаныстаннан әскерлерді шығару күніне арналған әскери-қолданбалы спорт түрлерінен өткізілген жарыста гимназия командасы ІІ орынға ие болды. Гимназия командасын және оларды дайындаған АӘД мұғалімі Джамалбаев М.С. құттықтаймыз!

24 қаңтар күні №1 мектепте оқушылар арасында қалалық шахмат және дойбы жарысы өткізілді. Гимназия командасында шахмат және дойбы категориясы бойынша 7-9 сынып оқушылары өнер көрсетті. Жалпы командалық есепте гимназия командасы шахматтан да, дойбыдан да І жүлделі орынды иеленді. Оқушыларды дайындаған жаттықтырушы Бекбасова Бахтулла Шариповна. Оқушыларды жеңісімен құттықтаймыз!

24 қаңтар күні 2014 жылы гимназияда «Гимназия және балабақша арасындағы үйлесімділік» атты бастауыш сынып мұғалімдері мен балабақша тәрбиешілері, әдіскерлеріне арналған семинарлар өткізілді. Семинарға қалалық білім бөлімінен З.Г. Абдрахманова, ЖОББ №1, №2 орта мектептердегі шағын орталықтардың, «Балапан», «Балдырған», «Айгөлек», С.Торайғыров атындағы №12, №18 балабақша тәрбиешілері мен әдіскерлері қатынасты.

Қаңтардың 4 мен 10-ы аралығында 2а сынып оқушысы Алимжанов Әлібек қысқы каникул кезінде, Польшаның Закопане қаласында өткен «Қарлы шың» атты халықаралық музыка және өнер фестиваліне қатысып келді. Вокал номинациясы бойынша 8-жасқа дейінгі балалар арасында Әлібек жүлделі І орынды иеленді. Әлібекті жеңісіміен құттықтаймыз!

2013 жылғы қыркүйек - желтоқсан аралығында оқушыларға арналған Қазақстан тарихы, дүние жүзі тарихы, география, этнография, қазақ тілі, қазақ әдебиеті, орыс тілі, орыс әдебиеті пәндері бойынша КИО ұйымдастырылды. Маусым қорытындысы бойынша 4 пәннен ең жоғары нәтиже көрсеткен гимназияның 7-сынып оқушылары Боранбай Бихан - I орынға, Рымбаев Д. - II орынға, Сейтахмет Е. - III орынға ие болды. Жеңімпаздарды құттықтаймыз!

2014 жылғы қаңтар айының 8-і мен 10-ы аралығында С. Торайғыров атындағы ПМУ негізінде 9-11 сынып оқушылары арасында облыстық пән олимпиадасы өткізілді. Гимназиядан 22 оқушы қатысып, 6 оқушы жүлделі орындарға ие болды. Олар Қайыржанова А., Дулатова Н. - І орын, Ермек Ә. - ІІ орын, Ибрайкина А., Шаймерден Ә., Ибраева С. - ІІІ орын. Құттықтаймыз!