2014 жылы 6 наурыз күні Қазақстан тарихы пәнінен: салт-дәстүр, тұрмыс, қазақ халқының мәдениеті бойынша КИО өтті. Олимпиада қорытындысы бойынша 7ә-сынып оқушысы Боранбай Бихан, 9-сынып оқушысы Толеуов Алдияр ІІІ орынға ие болды. Оқушыларды жеңістерімен құттықтаймыз!

10.03-15.03 күндер аралығында Эстетикалық бағыттағы пәндер бірлестігінің «Болашаққа – білімді, дені сау ұрпақ» атты апталығы өткізіледі. Апталық аясында наурыздың 12-ші жұлдызында 2-3 сынаптар арасында «Әкем, анам және мен» отбасылық туризм жарысы өтті. Сайысқа 8 отбасы қатысты. Сайыстың қорытындысы бойынша Алимжановтар отбасысы І орынға, Бүркітбаевтар отбасысы ІІ орынға, Алимжановтар отбасысы ІІІ орынға ие болды.

2014 жылы 11 наурыз күні экономика пәнінен оқушылардың ІХ республикалық турнирінің аймақтық кезеңі өтті. Олимпиаданың қорытындысы бойынша гимназияның 10-сынып оқушылары Қабылда Әлібек, Успанова Айгерим және 9-сынып оқушысы Асқарбек Әділ ІІІ орынға ие болды. Оқушыларды және пән мұғалімі Сыздыков Азамат Жанайдарұлын жеңістерімен құттықтаймыз!

2014 жылдың 11 наурыз күні Қазақстан Республикасы педагог қызметкерлерінің біліктілігін арттыру І деңгейлі курсының сертификат иегері, физика пәнінің мұғалімі Кабылбекова Алмагуль Серикбаевна «Бағалау дегеніміз не? Жиынтық бағалау туралы сыни тұрғыдан ойлау» атты коучингін өткізді. Коучинг барысында мұғалімдер бағалаудың түрлері туралы мәліметті өздігінен топтық жұмыс арқылы алып практикалық қорғауын жасады.

10 наурыз күні Қазақстан Республикасы педагог қызметкерлерінің біліктілігін арттыру курсының тыңдаушысы, мектебіміздің директоры Касенова Мария Абдукадировна «Мектеп мәдениеті» тақырыбында коучинг өткізді. Коучинг мақсаты: бірдей деңгейде қалаулы екі балама арасында міндетті түрде біреуін таңдау керек болған жағдайда, шешім мәдениеттің пайдасына шешілуі тиіс деген ой.

Мектебіміздегі сүйікті нәзік жандылар қауымын шын жүректен мерекелерімен құттықтаймыз! Зор денсаулық, ұзақ ғұмыр, жемісті еңбек және баянды бақыт тілейміз. Көгінде бейбітшілік көгершіні шарықтап, мамыражай, әдемі, жанға жайлы ашық Күндері шалқып тұрсын!

1-наруыз күні қалалық алыңында славян халқының ұлттық «Масленица» мерекесіне арналған іс-шара өтті. «Масленица» славян халықтарының ертеден келе жатқан қысты шығарып салып, көктемді қарсы алу мерекесі. Масленицаны жергілікті халық құймақпен және дәмді тоқаштармен қарсы алды. Гимназияның мұғалімдері мен оқушылары «Масленица» мерекесіне белсенді қатысты.

2014 жылдың 26 ақпанында 6-8 сынып оқушылары арасында қазақ тілі мен әдебиет пәнінен ІІІ облыстық жасөспірімдер олимпиадасы өткізілді. Олимпиада қорытындысы бойынша ІІ орынға 6-сынып оқушысы Карибаева Малика иеленді. Мұғалімі Нұрғалиева Дария Амантаевна «Ертіс Дарыны» АҒТӨ-ның «Ұстаздық еткен жалықпас» номинациясымен марапатталды. Маликаны және Дария Амантаевнаны жетістіктерімен құттықтаймыз!

2014 жылғы 25 ақпан күні 5-6 сынып оқушылары арасында өткізілген ІІ облыстық кешенді олимпиадасында 6ә-сынып оқушысы Таукенов Расул ІІ орынға ие болды. Олимпиаданың қатысушылары жаратылыстану-ғылыми және математика бағыттары бойынша тапсырмалар орындады. Жеңіске жеткен Расулды құттықтаймыз! Расулды олимпиадаға дайындаған пән мұғалімдеріне алғысымызды білдеріміз.

2014 жылдың 22 ақпан күні дәстүрге айналған салауатты өмір салтын қалыптастыру мақсатында 5-7 сыныптар арасында «Денін сау болған керемет» атты спорттық – танымдық жарыс өтті. Жарысқа 6 команда қатысты. Олар 5а сыныбы «Дәрумендер» тобы, 5ә сыныбы «Жас спортшылар» тобы, 6а сыныбы «Super hils», 6ә сыныбы «Қырандар» тобы, 7a сыныбы «Болашақ» тобы, 7ә сыныбы «ДСТС» тобы ...

18.02-21.02 күндері аралығында Алматы қаласында республикалық ғылыми жобалар конкурсы өткізілді. Сайыстың қорытындысы бойынша гимназияның 9 сынып оқушысы Турапекова Айым ІІІ орынға ие болды, 11-сынып оқушысы Сатпекова Алемгуль, 9-сынып оқушылары Ермек Әділет және Кабылбекова Айым «Дарын» РҒПО-ң құрмет грамотасымен марапатталды. Оқушыларды және оларды дайындаған жетекшілерді Сыздыков А.Ж., Муханова Ү.К. құттықтаймыз!

2014 жылдың 19 ақпан күні қалалық балалар шығармашылық үйінде мектеп тәлімгерлері арасында «Балалық шақтың капитаны» атты сайыс өтті. Сайысқа қаламыздың №1, №4, №8 мектептерінің тәлімгерлері және біздің гимназияның тәлімгері қатысты. Байқау қорытындысы бойынша бас жүлдеге гимназия тәлімгері Жаксыбекова Меруерт Жеңізқызы ие болды. Меруерт Жеңісқызын құттықтаймыз!